(Kabacan, North Cotabato/ March 4, 2013) ---Dead
On Arrival sa ospital ang driver ng Honda Bravo makaraang masangkot sa isang
vehicular accident sa Brgy. Aringay alas 6:30 ng gabi noong Sabado.
Kinilala ng Kabacan Traffic Division ang
biktima na si John Fajardo, nasa tamang edad at residente ng nabanggit na
lugar.
Minamaneho umano ni Fajardo ang isang kulay
berde na Honda Bravo galing ng brgy Malanduage at pagdating sa brgy Aringay ay
nabangga nito ang dalawa kataong kinilalang sina Jamil Mangakoy at Benjie
Waguia parehong menor de edad.
Mabilis na isinugod ang mga sugatan sa Amas
Hospital sa Kidapawan City.
Pero ang driver na si Fajardo ay binawian na
ng buhay.
Samantala, sugatan ang tatlo katao sa
nangyaring vehicular accident sa may National Highway, partikular sa brgy.
Katidtuan, Kabacan, Cotabato alas 3:15 kahapon ng hapon.
Batay sa report ni SPO4 Nehemio Maglangit ng
Kabacan traffic Division sangkot sa nasabing aksidente ang isang Kawasaki Bajaj
at grandstar Gamma Motorcycle.
Kapwa nagtamo ng malubhang sugat ang
dalawang mga driver at ang isang angkas ng Kawasaki Bajaj na mabilis namang
isinugod sa Kidapawan Medical Specialist.
Kinilala ang driver ng grandstar na si Iren
Datuya residente ng Datu Montawal, Maguindanao habang kinilala naman ang driver
ng Bajaj na si Eduardo Pachikoy na may angkas, ayon sa report.
Kapwa nagtamo ng kaparehong kasiraan ang
dalawang mga motorsiklo na ngayon ay naka-impound sa Kabacan PNP. (Rhoderick
Benez)
0 comments:
Mag-post ng isang Komento