(USM, Kabacan, North Cotabato/
February 18, 2013) ---Tuluyan ng binuksan ang USM Main gate dakong alas 11:00
ng umaga kahapon, bilang hudyat ng pagbabalik sa normal ang operasyon ng
Pamantasan.
Ito matapos ang halos isang buwang
kilos protesta at pagsasara ng mga raliyesta sa lahat ng mga lagusan ng
Unibersidad para pababain sa pwesto si re-appointed USM Pres. Dr. Jesus Antonio
Derije.
Dahilan kung bakit nagbaba noong
February 15 ang Commission on Higher Education ng CHED Memo na nag-aatas kay
Dr. Teresita Cambel, na maging Officer in Charge ng USM epektibo noong Sabado
February 16.
Ang memo ay dinala ni Local
Monitoring Chair Jabib Guiabar, bilang facilitator ng nangyaring gusot sa USM
sa mga lider ng raliyesta, matapos na ibinigay ito sa kanya ni USM Executive
Security and Concerns Orlando “Totong” Forro.
Sinabi naman ni Dr. Alimen Sencil,
isa sa tumatayong lider ng mga raliyesta na, matapos na matanggap ang memo agad
nilang pinag-aralan ang nilalaman ng CHED order at sa bandang huli ay
nagkasundo ang grupo na pabuksan ang gate ng USM para makabalik na sa pag-aaral
ang mga mag-aaral ngayong araw at makabalik trabaho na rin ang mga empleyado
nito.
Samantala sa tulong mga mga pulisya,
military at maging ng mga raliyesta kanilang nilinis ang lugar kungsaan
isinagawa ang kilos protesta, partikular sa harap ng USM Main gate at
isinailalim sa sanitation ang erya.
Pagbukas ng USM Main gate, agad
nanumbalik ang sigla partikular na ang kalakaran sa USM Avenue.
Abot kasi sa P4-5M ang gumagalaw na
bulto ng pera sa Kabacan araw-araw na nagpapasigla sa ekonomiya ng Kabacan, ito
dahil sa USM, ang level 4 state University at leading higher institution sa
bahaging ito ng Mindanao. (Rhoderick Beñez
0 comments:
Mag-post ng isang Komento