Mayoralty Candidate sa Kabacan; utak umano sa pagpatay kay VM Pol Dulay; itinuturong suspek; itinanggi ang akusasyon

(Kabacan, North Cotabato/ February 18, 2013) ---Matapos ang ilang buwang pananahimik ikinanta ng isang Brodz Panigas Mukamad nasa tamang edad, may asawa at residente ng Pikit, Cotabato ang nalalaman nito hinggil sa pagtumba kay Vice Mayor Policronio Dulay.

Batay sa sworn statement nito, na may petsang February 11, 2013, ibinunyag ni Mukamad sa opisina ng Brgy. Kapitan ng Lower Paatan na si Punong Brgy. Tony Maganaka, kasama sina Datu Masla Mantawil, Hon. Allan Mantawil, PCI Jubernadine Panes at P03 Richard Lagutang.

Aniya, tinawagan umano siya noong January 8 ni Jabib Guiabar.

Ayon sa kanilang napag-usapan, batay sa nilagdaang Judicial Affidavit nito, na siya umano ang maghanap ng titira kay Vice Dulay.

January 9, 2013, nagbigay ng five thousand pesos si Jabib at tinanggap naman umani ni Mukamad ang cash na limang tag iisang libong piso para sa expenses.

Sa room number 2 sa Eight Avenue umano sila nagkita ni Guiabar, kasama nila sa Room number 2 sina: Guzman, Sultan at Tabara.

Sa paunang panayam sa dating konsehal ng bayan, itinanggi nito ang nasabing akusasyon.

Aniya politically motivated umano ang alegasyon hinggil sa kanya, gawa lamang ito ng kanyang kalaban sa pulitika dahil sa nalalapit ang eleksiyon para sirain ang kanyang pangalan sa publiko.

 Kung matatandaan, si Dulay ay binaril noong January 11, alas 3:00 ng hapon sa USM Avenue.

Kahapon, ipinagdiriwang ng kanyang kamag-anak at mga kapamilya ang ika-71 taong kaarawan ng opisyal.