(USM, Kabacan, North Cotabato/ January 7,
2013) ---Lubos ang naging kagalakan ni USM Pres. Dr. Jesus Antonio Derije sa
naging resulta ng kanyang evaluation at sa kanyang re-appointment bilang
Pangulo ng USM para sa term na apat na taon na magsisimula ngayong araw.
Ito ang sinasabi ng Pangulo sa isinagawang
press conference sa kanyang tanggapan kaninang umaga sa administration building
matapos ang isinagawang general monthly convocation sa USM gymnasium.
Aniya, simple lamang umano ang kanyang
intensiyon na ipagpatuloy ang dapat na gagawin sa pamantasan.
Binanggit pa ng Pangulo na naging
inspirasyon nito ang larawan ng founder ng Pamantasan na si Bai Hadja Matabay
Plang na nakadikit sa kanyang opisina na patuloy na patatagin ang fourfold
function ng USM.
Iginiit pa nito, na hindi siya gagawa ng mga
bagay na hindi sumasang-ayon sa mission at vision ng USM.
Ang reappointment ni Dr. Derije ay pirmado
ni Commission on Higher Education chairperson Patricia Licuanan, chairperson ng
USM Board of regents batay sa Republic Act No. 8292 ng Section 3 o mas kilala
sa tawag na “Higher Education Modernization Act of 1997 sa isinagawang special
meeting noong January 4, 2013 sa Quezon city.
Samantala, nais din ng Pangulo na i-unify
ang mga komukontra sa kanyang liderato sa pamamagitan ng pag-reach sa mga ito
kagaya ng mga ginagawa nitong serya ng konsultasyon at diyalogo.
Sinabi pa nitong, ayaw niyang may mga
division na nagaganap sa Pamantasan at dapat na ma unify ang mga kamanggagawa
nito para sa pagsusulong ng mission at vision ng USM. (Rhoderick Beñez)
0 comments:
Mag-post ng isang Komento