Fort Pikit sa bayan ng Pikit; North Cotabato isa ng Historical LandMark sa bansa; matapos ang pormal na pagpapasinaya ng Provincial Government

Photo by: Ralph Ryan Rafael

(Pikit, North Cotabato/ January 9, 2013) ---Isinagawa kahapon ng umaga ang paghahawi ng tabing ng Panandang Pangkasaysayan ng “Fort Pikit” sa bayan ng Pikit, North Cotabato, bilang simbola na ang nasabing historical Landmarks ay bukas na para sa mga turistang dayuhin ang lugar.

Pinangunahan ni Cotabato Governor Emmylou “Lala” Taliño Mendoza ang pagpapasinaya ng Historical Marker sa nasabing lugar.

Ayon sa punong ehekutibo ng lalawigan, matapos na binigyan ng pansin ng provincial government ang asik-asik falls sa bayan ng Alamada at ang ground breaking ng pinakamahabang Zipline sa Southeast Asia na makikita sa bayan ng Makilala, ngayon naman ay kanilang tinututukan ang fort
Pikit na itinayo pa ng mga mananakop na Espanyol noong taong 1893 kungsaan ginamit din ito ng mga Hapon bilang garrison noong ikalawang  digmaang pandaigdig at naging kampo din ng Amerikano.

Sa isang press conference na pinangunahan ni Media News Bureau Boy Manangquil, sinabi pa ng gobernador ng Hilagang Cotabato na panatilihin nilang i-preserba ang anyo ng nasabing lugar bagama’t may mga nakahanda silang rehabilitasyon sa nasabing historical Landmarks.

Ang pagpapasinaya kahapon ng umaga, ay pinangunahan din ni National Historical Commission of the Philippines o NHCCP Executive Director Ludovico Badoy, narito ang bahagi ng kanyang naging deklarasyon:

Samantala, ikinagalak naman ni Pikit Mayor Sultan Sumulong ang pangtanggap ng plake ng Panandang Pangkasaysayan ng “Fort Pikit”.

Ang NHCP ay ang ahensiya ng pamahalaan na naatasan upang maisulong at mapanatili ang sa kasaysayan at pamana sa pamamagitan ng pananaliksik, pagpapakalat ng impormasyon, konserbasyon, kabilang ang pagmamarkam, pamamahala at pagpapanatili ng mga makasaysayang mga istraktura ng bansa. (Rhoderick Beñez)