(Kabacan, North Cotabato/
December 14, 2012) ---Isinailalim na sa State of Calamity ang bayan ng Kabacan
matapos ang mga pagbaha sa ilang mga brgy ng bayan dahil sa hagupit ng bagyong
Pablo na tumama sa probinsiya at sa bahaging ito ng Mindanao.
Ang state of calamity ay
ideneklara kahapon ng Sangguniang bayan ng Kabacan sa kanilang regular na
session matapos ang mahigit sa dalawang libung mga pamilya ang naapektuhan sa
nasabing mga pagbaha, ayon sa report ni MSWD Officer Susan Macalipat.
Una na ring nagdeklara ng
state of Calamity ang probinsiya ng North Cotabato sa kasagsagan ng pananalasa
ng bagyong pablo nitong mga nakaraang linggo.
Nabatid mula kay Kabacan
Municipal Agriculture Officer Sasong Pakkal na abot sa 157 ektarya ng sakahanng
palay ang naapektuhan sa brgy Kilagasan at karamihan sa mga ito ay nasa
vegetative stage pa lamang.
Patuloy namang inaalam ngayon
ng kanyang pamunuan ang danyos sa brgy Magatos at Brgy Kayaga habang ginagawa
pa ang validation ng data.
Kaugnay nito, may 800 seed
bags of palay naman ang ngayon ay available sa tanggapan ng MAO, ayon sa
opisyal.
Pero may mga proseso pa silang
gagawin bago ito ipapamahagi samga nasalantang magsasaka dahil sa mga pagbaha.
Samantala, naglaan naman ang
LGU Kabacan ng abot sa P100,000.00 bilang tulong ng munisipyo sa mga biktima ng
bagyong Pablo sa Compostella Valley na malubhang naapektuhan ng nasabing
kalamidad.
Nananawagan naman ngayon ni
Municipal Disaster Risk Reduction Officer Dr. Cedric Mantawil sa publiko
partikular na sa mga mamamayan ng Kabacan na tumatanggap ang kanilang pamunuan
ng donasyon in kind or in cash para sa mga biktima ng bagyong Pablo sa
compostella Valley, para sa inyung mga tulong donasyon makipag-ugnayan sa tel #
248-2123 o sa cell phone # 0920-948-5004 o di kaya kay MSWD Officer Susan
Macalipat sa # 0919 3190840.
Tutulak ang grupo ng LGU sa
nasabing lugar para mamigay ng tulong bago sasapit ang pasko para mamigay ng
tulong buhty dito sa USM, Kabacan Water District at ng pamahalaang lokal ng
Kabacan sa pakikipagtulungan ng MDRRMC at ng MSWDO.
Maari ding dalhin ang inyung
mga tulong dito sa DXVL FM o di kaya sa Faculty House ng University of Southern
Mindanao.
Sinabi naman ni Executive
Assistant to the Pres. Bebot Moneva sa panayam ng DXVL News na planu din nilang
kanselahin ang isasagawang christmas party sa USM at ang gagastusin dito ay
ibibigay nalang na tulong donasyon sa mga naging biktima ng bagyong Pablo.
Suportado rin ni USM Pres. Dr.
Jess Antonio Derije ang nasabing panukala sa kanyang programa sa DXVL na USM
Ngayon at bukas kungsaan nais din ng university na makatulong sa mga kababayang
nasalanta ng bagyo, bagama’t walang ng kainan, may gagawin naman pong programa
aa paskuhan.
Ang nasabing tulong pahayag ay
ginagawa ng opisyal kaninang umaga sa isinagawang joint session ng Municipal
Peace and Order Council Meeting at ng Municipal Disaster Risk Reduction council
o MDRRMC.
Kabilang din sa mga
pinag-usapin kanina ang pag re activate ng Incident Command Structure dahulan
ng mabilis napagresponde ng kinauukulan samga nangangailangan ng tulong sa tuwing
may kalamidad.
Pero sa kabila ng sigasig ng
line agencies ng pamahalaang lokal ng Kabacan, pinakamalaking problema pa rin
nila ang kakulangan sa pondo ng gasolina.
Anila, hindi agad sila
makaresponde dahil sa walang emergency fund para sa gasolina ng sasakyan ng
LGU. (Rhoderick Beñez)
0 comments:
Mag-post ng isang Komento