(Kabacan,
North Cotabato/ December 7, 2012) ---Alas 6:00 mamayang gabi sabay-sabay na
gagawin ang switch on ng mga Christmas lights bilang hudyat ng pagsisimula ng “Liwanag
sa Kabacan Contest” matapos na naiurong ito ng ilang araw dahil sa mga di
inaasahang pangyayari.
Sinabi
sa DXVL Radyo ng bayan ni Kabacan Tourism designate officer Sarrah Jane Guerrero
na nilahukan ng iba’t-ibang mga establisiemento ang nasabing paunang patimpalak
ng LGU para gawing mas makulay ang kapaskuhan sa bayan ng Kabacan.
Sinabi
naman ni Public Information Officer Ragilda “Dadang” Martin na bahagi ito ng
pagpapalago ng turismo ng bayan at maipromote ang Kabacan na isa sa mga tourist
destination sa probinsiya ng North Cotabato.
Gagawin
ang countdown ng lighting ng mga Christmas lights, Christmas tree, Lanterns,
designed lights making sa DXVL radyo ng bayan 94.9FM kasabay na rin ng pagiikot
ng mga hurado para sa nasabing contest.
Kaugnay
nito, hinikaya’t ngayon ng LGU Kabacan ang publiko na saksihan ang nasabing
event ngayong gabi sa Rizal St., National Highway, Kabacan, Cotabato.
Itatanghal
ang mananalo sa iba’t-ibang kategorya sa December 21 kasabay ng gagawing
Christmas Party ng LGU Kabacan.
May
mga inihandang papremyo ang pamahalaang lokal ng Kabacan sa kauna-unahang
liwanag sa Kabacan contest. (Rhoderick Beñez)
0 comments:
Mag-post ng isang Komento