(Kabacan, North Cotabato/ December 4, 2012)
---Nirereklamo ngayon ng isang brgy. kagawad ang diumano’y di tamang pagbibigay
ng number of work at transaksiyon sa Cash for Work Program ng gobyerno sa ilalim
ng programa ng Department of Social Welfare and Development Office.
Ito ayon kay Brgy. Kayaga Kagawad Mustapha
Landasan kungsaan dapat sana ay labin limang araw ang tatrabahuin ng mga beneficiaries
sa Sitio Malabuaya, pero ang ilan sa kanila ay tig-dalawa o tatlong araw lamang
ang ibinigay na trabaho ng MSWDO, na bagay namang di sinang-ayunan ng opisyal.
Aniya, hindi buong 15 days ang tatanggapin
na sahod ng ilang mga beneficiaries taliwas naman sa nakalagay sa kontrata.
Paliwanag naman ng pamunuan ng MSWDO sa
pamamagitan ni Kabacan MSWD Officer Susan Macalipat, na mas marami ang mga
taong nagtrabaho kaysa sa mga intended beneficiaries ng program.
Batay sa record ng MSWD 700 ang kabuuang
benepisyaryo ng Cash for Work sa nabanggit na lugar, pero abot sa higit sa
isang libu ang nagtrabaho, kaya hindi na umabot ng 15 days ang trabaho ng mga
ito para lang mabigyan din ang ilan pang mga benepisyaryo.
Para kay kagawad Landasan, isang maanomalya
umano ang nasabing hakbang pero iginiit naman ng pamunuan ng MSWDO na pwede
naman na magkakaroon ng internal agreement sa pagitan ng beneficiaries at sa
brgy matapos ang isinagawang meeting ng mga ito na suportado naman ng
Sangguniang bayan. (Rhoderick Beñez)
0 comments:
Mag-post ng isang Komento