(Midsayap, North Cotabato/ November 14, 2012) ---Pinangunahan ni House Special Committee on Peace
Reconciliation and Unity Chairperson Cong. Jesus Sacdalan ang pagpapaliwanag ng
Framework Agreement on the Bangsamoro sa mga Pigcawayanon noong November 9- 10
ng nakalipas na linggo.
Inilunsad ang unang community
information drive tungkol sa framework agreement sa Barangay Libungan- Torreta kung saan aktibong
lumahok ang mga residente sa lugar, ito ayon sa report ni PPALMA News
Correspondent Roderick Bautista.
Sumali din sa talakayan ang mga
barangay officials ng labing- isang Muslim barangays ng Pigcawayan at mga
opisyal ng lokal na pamahalaan.
Samantala, ginawa naman sa
Pigcawayan Municipal Rooftop ang kaparehong pagpapaliwanag ng framework deal na
dinaluhan ng mga opisyal ng Christian barangays ng nabanggit na bayan.
Nasisiyahan si Pigcawayan Mayor
Roberto Blase dahil sa pagpapaliwanag na ito ng opisina ni Cong. Sacdalan.
Ang inisyatibong ito ay bilang
pagtupad sa una nang inihayag ng kongresistang talakayin ang framework
agreement sa mga komunidad upang mas lalo pa itong maunawaan.
Ang Pigcawayan ay binubuo ng 40
barangay at walo mula dito ang kabilang sa proposed Bangsamoro Core Territory.
0 comments:
Mag-post ng isang Komento