(Kidapawan City/September 26, 2012) ---BOLUNTARYONG sumuko ang
number 9 most wanted person sa Kidapawan City na si Jamar Espero Gatchalian,
28-anyos, taga Bautista Street.
Ang akusado ay may kasong
murder na may criminal case number 496-2007 na inisyu ni Judge Rogelio Narisma.
Si Gatchalian ay personal na
tumungo sa opisina ni Major Elmer Guevarra, head ng Criminal Investigation and
Detection group o CIDG.
Ayon sa report, si Gatchalian
ay isa sa labing limang mga suspect sa pagpatay kay Glenn Magallosa sa may
Dnoks bar sa Kidapawan City Sports Complex noong 2007.
Ayon kay Guevarra, posible’ng
makalaya si Gatchalian gaya ng ibang mga nahuling suspek dahil ‘di na
tinututukan ng pamilya ng biktima ang kaso.
SAMANTALA, huli ang isang
suspected drug courier na si Wilson Alarcon, 30-anyos, taga Plaridel Street,
Kidapawan City.
Ang buy-bust operation ay
isinagawa sa barangay Sudapin, bandang alas sais y medya, kagabi.
Nakuha sa suspek ang tatlong
mga sachet ng pinaghihinalaang shabu at 500 peso bill na marked money.
Ilang araw mula ngayon ay
isasampa na ang kasong paglabag sa Comprehensive Dangerous Drugs Act kontra sa
suspek. (MCM)
0 comments:
Mag-post ng isang Komento