(Kabacan, North Cotabato/ September 24,
2012) ---Tinangay ng pinaniniwalaang budol-dugol gang ang libu-libung halaga ng
pera ng isang 36-anyos na ginang sa mismong bahay nito sa Datu Piang Extension,
Poblacion, Kabacan, Cotabato alas 3:48 ng hapon nitong Biyernes.
Kinilala ng Kabacan PNP ang biktima na si
Emyrose Lachica Farañal, may asawa at residente ng nabanggit na lugar.
Batay sa inisyal na pagsisiyasat ng mga
otoridad, lumalabas na isang babae na nasa edad 39-48 ang pumasok sa kanilang
bahay at nag-dramang humihingi ng tulong hanggang sa makumbinsi nito ang
biktima na ibigay ang kanyang graduation ring (Holy Cross College) na
nagkakahalaga ng P5,000.00, bukod pa sa dalawang mga kwintas na nagkakahalaga
sa P22,000.00 at cash money na P5,000.00.
Tinayatang abot sa halagang P32,000 ang
nakuha ng suspek bilang kapalit sa isang piraso ng kwintas at bracelet na may
diamond ring na ibinigay ng suspek kay Farañal.
Nang dalhin ng biktima ang nasabing alahas
sa pawnshop para sa appraisal, ditto na nalaman na ang nasabing mga alahas ay
peke.
Sa ngayon iniimbestigahan na ng mga pulisya
ang nasabing kaso. (Rhoderick Beñez)
0 comments:
Mag-post ng isang Komento