Monthly financial statement ng USM; ipapaskil sa administration building –ayon kay USM Pres

(USM, Kabacan, North Cotabato/ September 3, 2012) ---Ipinag-utos ngayon ni USM President Dr. Jess Antonio Derije ang pagpapaskil ng monthly financial statement ng University of Southern Mindanao, ito para makita ng lahat ng mga kawani at mga estudyante ng Pamantasan kung papaanu ang paggasta ng pera ng USM.

Ginawa ng Pangulo ng Pamantasan ang pahayag sa isang diyalogo kaninang umaga sa USM gymnasium sa harap ng faculty and staff kasama na ang mga estudyante, ito makaraang samu’t saring alegasyon ang ipinupukol ng ilang mga kritiko ng Pangulo laban sa kanya, bukod pa sa mga kumakalat na open letters.

Sinabi ni Dr. Derije na ang walumpung porsientong budget ng Pamantasan ay mula sa General appropriation fund kungsaan dito kinukuha ang sahod ng mga regular na empleyado ng USM habang ang local income naman ng pamantasan ay nagmumula sa agricultural at non-agricultural resource generation project.

Maliban dito, nagmumula naman sa fund 164 o sa tuition fee ang sweldo na pambayad sa mga contractual na mga guro ng USM at mga security guards.

Kaugnay nito, dapat na dumaan sa resource generation committee bago gamitin ang nasabing pondo kung sakaling gagamitin o hihiramin ito sa ibang proyekto, ayon sa Pangulo.

Binuksan naman ang open forum kungsaan iba’t-ibang mga isyu at alegasyon ang sinagot ng USM administrative council mula sa mga kumakalat na open letters kabilang na dito ang pamumutol ng kahoy sa loob ng Pamantasan, ang kontrobersiyal na pagbibili ng mga gamit ng USM at iba pa.

Sa kabila nito, hayagang sinabi naman ng Pangulo na ang kasong isinampa kontra sa kanya ay nasa BOR na matapos na maipaabot na ito sa Ombudsman at handa namang harapin ito ng Pangulo.

Pinasalamatan naman ng ilan ang ginawang hakbang ni USM Pres. Derije na nagpatawag ng special convocation kasama na ang open forum para sagutin ang mga kumakalapat na open letters, na ayon sa ilan ay sumisira lamang sa mismong dignidad ng Pamantasan at ng kanilang mismong pinagkukunan ng “bread and butter”.

Sinabi naman ni Physical and Plant Development Director Orlando Forro na bago gagawa ng nasabing hakbang dapat munang konsultahin ang kinauukulan para ipabatid ang nasabing problema o reklamo at wag lang agad magpapakalat ng mga maling parating na bagay namang nakakasira ng imahe ng USM.

Maliban sa pangulo dumalo din sa nasabing diyalogo kanina ang apat na mga vice Presidents, kasama sina USMFA Pres. Dr. Anita Tacardon at USG Pres. Jalvin James Gaspan na kapwa miembro ng Board of Regents, ang highest Policy body ng USM.

Sa kabila ng kontrobersiya na kinakaharap ng Pangulo, iginigiit nito ang anti-red tape law para sa transparency ng lahat ng transaksiyon ng gobyerno, partikular na sa USM.

Panawagan pa rin ng Pangulo ang pag-tutulungan at pagkakaisa ng bawat lahat para tulungan patatagin at palakasin ang USM, na itinatag ng great Muslim educator Bai Hadja Fatima Matabai Plang. (Rhoderick Beñez)