19-anyos na drug courier, huli sa buybust operation sa mas pinaigting na Task Force Krislam sa Kabacan; Wanted Person naman huli sa Carmen, North Cotabato

(Kabacan, North Cotabato/July 16, 2012) ---Isang araw pa lamang ang nakalipas matapos na ilunsad ang Task Force Krislam sa bayan ng Kabacan, tila walang talab sa mga illegal traders sa lugar ang kampanya ng mga otoridad para sugpuin ang talamak na bentahan ng illegal na droga.

Ito makaraang mahuli ng pinagsanib na pwersa ng Kabacan PNP at Task Force Krislam sa isinagawang buybust operation kagabi ang isang Jayson Nicolano Ankanan, 19, may asawa at residente ng Tandang Sora St., Poblacion ng bayang ito.

Nanguna sa paghuli sa suspek si PCI Tirso Pascual, head ng Task Force Krislam, narekober mula sa suspek ang dalawang plastic heat sealed sachet na naglalalaman ng white crystalline na pinaniniwalaang shabu at marked money na nagkakahalaga ng P500.00.

Sa ngayon nasa Kabacan lock-up ang salarin habang inihahanda na ang kasong kakaharapin ng nito.

Samantala sa bayan ng Carmen, North Cotabato ---Arestado doon ang isang Mamalinug Macadaag Sarip, nasa tamang edad, may asawa at residente ng Patani, Marawi city base sa warrant of arrest na inilabas ng RTC Branch 6, Iligan city.

Ayon kay PCI Jordine Maribojo, matagal na umanong nagtatago ang suspek sa nasabing bayan makaraang nahaharap ito sa kasong murder na may Case # 06-1593.

Nanguna sa pag-aresto sa suspek ang trakers team ng Carmen PNP na pinamumunuan ni SPO2 Flet Jacinto at ng 3^rd Manuevering Company ng PNP RPSB 12 sa ilalim ni PSI Baser Alindo. (Rhoderick Beñez)