(Kabacan, North Cotabato/April 20, 2012) ---Abot
sa mahigit P3,400 ang natangay ng tatlong mga di pa nakilalang mga kalalakihan
mula sa isang pampasaherong multicab makaraang mahold-up sa may Sitio Agpa,
Brgy. Kayaga, Kabacan, Cotabato alas 7:20 kagabi.
Ayon kay P/Supt. Raul Supiter, ang OIC Chief
of Police ng Kabacan PNP, galing ng Kabacan ang nasabing multicab na may plate
# MVX 475 na minamaneho ni Edwin Aledilla Alago residente ng Poblacion, Carmen
ng mahold-up sa nabanggit na lugar.
Sa inisyal na pagsisiyasat ng mga otoridad
lumalabas na nagpanggap umano bilang mga pasahero ang dalawang suspek na
sumakay sa nabanggit na multicab na nakaparada sa harap ng Mercury drug store
kagabi.
Habang nakasunod naman ang isa pang suspek
sakay sa Bajaj single motorcycle at pagdating sa nasabing lugar ay nagdeklara
ng hold-up.
Tinutukan ng mga suspetsado ng baril ang
driver pati ang mga pasahero at mabilis na tinangay ang mga mahahalagang gamit
ng mga pasahero kasama na ang cash na nagkakahalaga ng P3,400.
Matapos maisakatuparan ang masamang balakin,
mabilis namang tumakas ang mga salarin sakay sa nasabing motorsiklo papunta sa
direksiyon ng Kabacan.
Sa ngayon ay nagpapatuloy naman ang
imbestigasyon ng mg otoridad sa nasabing insedente. (Rhoderick Beñez)
Pagka way batasan anang kawatana. Mao nga sa mga naga sakay ug pangpasaherong Multicab, dapat gyud nga alerto kanunay.
TumugonBurahin