Katutubong Martial Arts ng Maguindanao at Tausog; itinampok sa Summer Kids Peace Camp sa bayan ng Kabacan

(Kabacan, North Cotabato/April 16, 2012) ---Itinampok ang “Kuntaw Silat”, isang Maguindanaoan tradisyunal Martial Arts na ginagamit ng mga sinaunang katutubo sa kanilang self defense, sa 2^nd Gov. Lala Mendoza Summer Peace Kids Camp sa bayan ng Kabacan.

Ayon kay Executive Director for Moro People’s Community Organization for Reform and Empowerment Zaynab Ampatuan, ang Kuntaw Silat ay isang Chinese Martial arts na dinala dito sa Mindanao ng mga Indonesian at ipinakilala sa mga katutubong Maguindanaon at Tausog.

Bukod sa Kuntaw, nais din ng grupo na ipakilala sa mga bata ang mga katutubong sayaw, awit at iba pang mga cultural practices para malaman ang pinagmulan ng bawat isa.

Sinabi pa ni Ampatuan na ang nasabing hakbang ay isang perpektong paraan upang mapag-isa ang mga grupo ng Muslim, Kristiano at Lumad.

Ang presentasyon ng Kuntaw Silat ay isinagawa sa Peace Museum ng Kabacan Pilot Elementary School nitong Biyernes ng hapon, kungsaan naka-display din doon ang iba’t-ibang mga cultural custom at ipinapakita rin ang kasaysayan kung papaanu ang naging magandang samahan ng mga Indigeous People at Islamizes group.

Ipinapaliwanag din ng grupo sa mga kabataan na iisa ang ninunong pinagmulan, ito ay ang magkapatid na Tabunaway at Mamalo, dito rin ipinaintindi sa kanila kung paanu ang magandang samahan ng mga indigenous people sa probinsiya ng North Cotabato.

Maliban dito, ikinuwento rin sa kanila ang kasaysayan ng Kabacan, kung paanu ini-welcome ng mga Maguindanaoan partikular ng mga Mantawil Family ang mga Ilokano na mula sa Luzon kabilang na dito ang mga Igorot na buhat din sa nasabing lugar.

Ang tatlong araw na Summer Peace Kids Camp ay nagtapos nitong Sabado na nilahukan ng abot sa mahigit sa isang libu at apat na daang mga grade five pupils buhat sa iba’t-ibang mga paaralang elementarya sa bayan ng Kabacan na isinagawa sa Pilot Elementary School.

Layon nito na hubugin ang mga kabataan na maging responsableng mamamayan sa lipunang kanilang ginagalawan kungsaan inihahanda ang mga ito sa leadership, maging malinis sa kapaligiran at ang pagtulong sa oras ng sakuna.

Sa bayan ng Kabacan ang napiling tema ng 2^nd Gov. Lala Talino Mendoza Summer Peace Kids Camp ang “Let the children laugh, let the children lead, let the children build their future” gawa ng isang estudyante mula sa Sanggadong elementary School. (Rhoderick Beñez)