(Kabacan, North Cotabato/April 17, 2012) ---Palaisipan
pa rin sa mga otoridad ang natagpuang Cartridge ng 60mm mortar sa loob ng
compound ng lupa na pag-mamay-ari ni Kabacan Mayor George Tan sa may Brgy.
Katidtuan, Kabacan, Cotabato.
Ayon kay Lt. Aries Dela Cuadra ng 7th
IB, ang nasabing high explosive ay natagpuan umano ng caretaker ng alkalde
habang ito ay naglilinis sa nasabing lupain.
Nang siyasatin ng EOD team ang nasabing
pampasabog kaninang umaga, nabatid na wala namang fuse na nakalagay dito, kung
kaya’t wala itong pangamba na sumabog.
Nakabalot sa plastic at interior ng gulong
ng matagpuan ang Cartridge na inilagay sa halamanan.
Sa ngayon ay ini-turn-over na sa EOD Team
ang narekober na 60mm gayunpaman, di pala rin iniaalis ng mga otoridad na
posibleng inggit sa pagiging care taker sa lupa ang motibo sa paglagay ng
nasabing pampapasabog. (Rhoderick Beñez)
0 comments:
Mag-post ng isang Komento