Short term solution: paglilipat ng power barges mula sa Visayas papuntang Mindanao; iginigiit

(Kabacan, North Cotabato/March 21, 2012) ---Isa sa mga short term solution na nakikita ng Department of Energy DoE upang masulosyunan ang krisis sa enerhiya sa Mindanao ay ang planung paglilipat ng ilang mga power barge buhat sa Visayas papuntang Mindanao.

Ito ang napag-alaman mula kay NGCP spokesperson Atty. Cynthia Alabanza sa mga inilatag na programa ng pamahalaan.

Maliban dito, nais din ng ahensiya na buhayin ang Iligan Diesel Power Plant na may tinatayang 100megawatts ang kapasidad subalit matagal na umano itong di na nagagamit.

Kaya naman nais ng gobyerno na maibalik sa grid ang serbisyo ng nasabing planta.

Sa kabila nito, hinikaya’t din ng opisyal ang mamamayan na ang pinakamainam pa rin na short term solution ay ang magtipid ng kuryente.

Dagdag pa nito na aabutin pa umano ng tatlo hanggang limang taon bago makapagtayo ng panibagong power plant na sinasabing long term solution ng pamahalaan sa lumalalang krisis sa enerhiya sa Mindanao.

Gayunpaman, nais linawin ng pamunuan ng NGCP na ang pagbibigay ng load curtailment sa mga kooperatiba o sa mga distributor ng kuryente ay hindi umano sila ang gumagawa ng desisyon bagkus ay may sinusunod umano silang matrix na galing sa National Power Corporation o Napocor na pangunahing nagbibigay ng alokasyon sa NGCP sakaling kukulangin ang supply sa Mindanao. (RB ng Bayan)