AMAS, Kidapawan City (November 2) – Matapos ang official
visit ng Cotabato Province delegation sa Gangwon Province, South Korea at
pagdalo ng mga ito sa 11th Gongwon Medical Equipment Show noong Sep
8-11, 2015, lalo pang pinag-iibayo ngayon dalawang lalawigan ang kanilang
mabuting ugnayan.
Ito ay makaraang
dumating sa Kidapawan City noong Oct 28-29, 2015 ang delegasyon mula sa Gangwon
sa pangunguna ni Jin-Pyo Jeon, International Relations Division Director at
tinalakay ang mga developmental projects na maaaring ipatupad sa lungsod at sa
mga kalapit munisipyo.
Kabilang rito ang
hospital care system at tele-medicine, potable water source, solar panel, high
value crops at iba pang proyekto na pakikinabangan ng mga mamamayan ng
Cotabato.
Kaugnay nito,
nagsagawa ng on-site visitation si Director Jeon at mga kasama sa Brgy. New
Israel, Makilala at Brgy. Balabag, Kidapawan City at pinag-aralan ang mga
proyektong maaaring ipatupad sa nasabing mga lugar.
Matapos nito ay
isang conference ang ginanap sa Annex Building, Capitol Compound pagitan ng mga
delegado ng Gangwon Provincial Government at ng mga personnel mula sa Cot Provincial
Planning and Development Office (PPDO), Provincial Engineer’s Office (PEO),
Integrated Provincial Health Office (IPHO) at Office of the Provincial
Agriculturist (OPAG).
Sa naturang
pagkakataon ay ipinahayag ng mga delegado ng Gangwon Province ang kanilang
obserbasyon at ilang mga katanungan tungkol sa kabuhayan ng mga residente sa
dalawang napiling mga barangay.
Bumalik na sa South
Korea ang grupo ni Jeon at nangakong tutungo muli sa Kidapawan City para sa susunod
na hakbang kaugnay ng mga proyektong posibleng ipatupad sa nabanggit na mga
barangay. (JIMMY STA. CRUZ-PGO Media
Center)
0 comments:
Mag-post ng isang Komento