(Amas, Kidapawan city/ November 4, 2015) ---Upang
matulungang magkaroon ng pagkakakitaan ang limampu’t apat na Rural Improvement
Club members na mula sa Tacupan, Carmen, Dungguan at Dualing, Aleosan,
nagsagawa kamakailan (10/15-16, 20-21/15) ang OPA Fisheries Division ng isang
skills training on fish processing particular sa paggawa ng daing na tilapia,
lamayo at fish bagoong.
Ayon kay Provincial Agriculturist Eliseo
Mangliwan, regular na nagsasagawa ng ganitong aktibidad ang Office of the Provincial
Agriculturist para sa mga nagrerequest ng training upang magkaroon ng
livelihood ang mga kalahok mula sa kanilang matutunan sa technology
demonstration.
Ang maganda rito ay may kaakibat itong
return demonstration ng mga kalahok na aktuwal na gagawa din ng sarili nilang
daing na tilapia, lamayo at fish bagoong upang maseguro na natuto sila ng fish
processing with value adding, dagdag pa ni Virginia Lomonggo, ang Provincial
Fish Processing Coordinator kasama si Leonila Anit, ang Provincial RIC Coordinator
na kabilang sa mga nanguna sa training.
Bahagi ng mga paksang tinalakay ang
kahalagahan ng fish processing technology, bentahe ng food safety control,
proper packaging, labeling at ang return on investment computation.
Suportado naman ito ni Governor Emmylou
“Lala” J. Taliño-Mendoza ang ganitong aktibidad bilang bahagi ng Serbisyong
Totoo program katunayan naglaan siya ng kaukulang pondo para rito. Ruel L. Villanueva
0 comments:
Mag-post ng isang Komento