(Matalam, North Cotabato/ October 27, 2014)
---Patay ang isang 21 anyos na lalaki matapos barilin ng sariling pinsan nito
sa Purok Sultan, Brgy. Kibudok, Matala, North Cotabato alas 9:00 ng umaga
kahapon.
Kinilala ni PCI Elias Diosma Colonia, ng
Matalam PNP ang biktima na si Efren Ampuan, may asawa, at isang driver habang
kinilala naman ang suspek na pinsan nito na si Datu Manguda Indao, parehong
residente ng nabanggit na lugar.
Ayon sa report ng Matalam PNP kasama ng
biktima si Sadam Dilangalin habang papunta ng sakahan ng ama nito at pagsapit
sa bahagi ng lupa na pag mamay-ari ng isang Balik Gumangsing ay bigla na lamang
itong nilapitan ng suspek at binaril si Ampuan.
Napag-alaman pa mula kay SPO1 Froilan
Gravidez ng Matalam PNP nagtamo ng dalawang tama ng bala si Ampuan sa kanyang
kanang balikat at sa itaas na bahagi ng kanyang kanang paa.
Lumalabas naman sa inisyal na imbestgasyon
ng mga otoridad na away sa lupa ang dahilan ng nasabing pamamaril.
Ngayon ay tinutugis na nang mga otoridad si
Indao habang patuloy naman iniimbesigahan ang insidente. Rhoderick Beñez
0 comments:
Mag-post ng isang Komento