(Matalam, North Cotabato/ October 27, 2014)
---Sa ospital ang bagsak ng 26-anyos na habal-habal drayber makaraang barilin
ng di pa nakilalang suspek sa Sitio Ambel, Brgy. Marbel, Matalam, Cotabato alas
5:30 ng madaling araw nitong Sabado.
Kinilala ni PCInsp. Elias Diosma Colonia,
hepe ng Matalam PNP ang biktima na si Reynaldo Chua Junsay, 26-anyos, may asawa
at residente ng Sitio Lambayao, Brgy. Kibia, Matalam.
Sa ulat na nakarating kay SPO1 Froilan
Gravidez ng Matalam PNP lumalabas na
habang binabaybay ni Junsay ang Antipas-Matalam road lulan ng dalawang di pa
nakilalang mga pasahero sakay sa Honda CV 125 at may temporary plate ng biglang
nilapitan ang mga ito ng dalawang di pa nakilalanag mga suspek at isa sa mga
suspek ay tinutukan ng baril ang drayber ng habal-habal.
Liban dito, isa pa sa mga suspek ay
tinutukan ng kutsilyo si Junsay at inatasan na ibigay ang kanyang motorsiklo sa
kanila at pwersahang kinuha ang belt bag nito na naglalaman ng cellphone at
cash na nagkakahalaga ng P3,000.00 at isa pang sling bag na pag-mamay-ari ng
isa pang pasahero ang tinangay din nila.
Agad namang tumakbo ang dalawang mga
pasahero habang pinaputukan naman ng mga suspek ang drayber gamit ang handgun.
Sinubukan namang kunin ng mga susek ang
motorsiklo pero di ito natuloy makaraang di umandar ang makina ng motorsiklo.
Mabilis namang tumakas ang suspek sa di
malamang direksiyon habang nagtamo naman ng iba’t-ibang sugat sa katawan ang
biktima na mabilis na isinugod sa Babol General Hospital na patuloy na binigyan
ng medikal na atensiyon.
Malaki naman ang paniniwala ng Matalam PNP
na agaw motorsiklo ang motibo sa nasabing insidente at patuloy na ang
ginagawang imbestigasyon. Rhoderick
Beñez
0 comments:
Mag-post ng isang Komento