Written by: Roderick Bautista
(Midsayap, North Cotabato/ February 18,
2014) ---Idinaan ng mga Midsayapeṅo sa sayawan ang kanilang pagdiriwang ng araw
ng mga puso kamakailan.
Ang aktibidad ay kaugnay ng paglulunsad ng
One Billion Rising o OBR for Justice sa bayan kung saan hindi lamang basta
sumayaw ang mga Midsayapeno ngunit kaakibat nito ang pagprotesta na magkaroon
ng hustisya ang lahat ng mga kaso ng pang-aabuso sa mga kababaihan.
Ginawa ang dance protest sa Southern
Christian College kasabay ng Valentine’s day celebration ng institusyon.
Inihayag ni Civil Peace Service Coordinator
Elvira Angsinco na ipinagpapatuloy nila ito upang maitaas ang level of
awareness ng mga mamamayan patungkol sa isyu ng abuse on women and girls.
Dagdag ni Angsinco magkakaroon din umano ng
mga serye ng aktibidad kaugnay ng women’s month Celebration sa susunod na
buwan.
Ang aktibidad ay magkatuwang na inorganisa
ng SCC- Office of the Vice President for Research and Extension, Civil Peace
Service, Bread for the World at ilang women’s rights advocates.
Idadaos naman sa a-8 ng Marso ang
kulminasyon ng One Billion Rising for Justice dito sa bayan.
0 comments:
Mag-post ng isang Komento