(Amas, Kidapawan City/ December 18, 2013)
---Pinangangambahang mahigit sa 60 mga empleyado ng Cotabato Division ang
maaapektuhan ng “Rationalization Plan” ng Kagawaran.
Ito ayon kay Cotabato School’s Division
Supt. Omar Obas sa panayam sa kanya ng DXVL News kahapon.
Aniya, may ilang mga plantilla position sa
division ng North cotabato ang maapektuhan ng bagong staffing system ng DepEd.
Pero sa kabila nito, may mga inilatag na
hakbang ang division para di mawalan ng trabaho ang nasabing mga kawani ng
Pamahalaan.
Kabilang na dito ang pagreretiro ng mga
retireable para makuha ang regular na benepisyo; pangalawa pwede silang mag
coterminous status at ang pangatlo ay maaring mailagay sa mas mataas na posisyon
ang matatanggalan ng item, ayon kay Obas.
Sinabi pa ng opisyal na 35 sa mga mawawalan
ng item sa Cotabato division ay naghain na ng retirement dahil sa magandang
packages na inihanda ng gobyerno.
Kaugnay nito, may ginagawa ng placement ang
Cotabato division para hindi mawalan ng trabaho ang mahigit 60 mga kawani nito
sakaling maipatupad na ang bagong Staffing system ng Deped. Rhoderick Beñez
0 comments:
Mag-post ng isang Komento