(Kabacan,
North Cotabato/ September 24, 2013) ---Matapos ang ilang araw na pakipaglaban
kay kamatayan ay tuluyan ng iginupo ng kanyang sakit ang 21-anyos na bagong pasa
sa Licensure Examination for Agriculture makaraang binawian ito ng buhay habang
ginagamot sa Davao Medical Center alas 10:00 ng umaga kahapon.
Namatay si
Charlie Camillon Balonebro, tubong Tulunan, North Cotabato dahil sa
kumplekadong sakit na iniinda nito, ayon kay Sunshine Labatorio dating kaklase
ng biktima sa panayam sa kanya ng DXVL News.
Nabatid na
lumalala umano ang sakit ni Balonebro ilang araw matapos na kumuha ito ng
kanyang Licensure Exam for Agriculture kungsaan pasado rin ang biktima sa
nasabing eksaminasyon.
Posibleng
umanong ang pagpupuyat nito sa pag-rereview ang isa sa mga dahilan kung bakit
lumala ang sitwasyon ng biktima.
Para kay
Sunshine, malaking kawalan para sa kanila ang kanilang kaibigan na si Balonebro
kungsaan isa itong masayahing estudyante, mabait at matulungin noong estudyante
pa sila.
Dating
LSG-Governor din ang biktima.
Sa ngayon,
nag paabot na rin ng pakikiramay ang mga kaibigan, kaklase at mga guro nito
buhat sa College of Agriculture sa mga naulilang pamilya ni Balonebro. (Rhoderick
Beñez)
0 comments:
Mag-post ng isang Komento