(Kabacan, North Cotabato/ March 26, 2013)
---Nagpadala ng karagdagang pulis personnel ang Regional Public safety
battalion buhat sa Regional Police Office 12 para sa bayan ng Kabacan na
tututok sa mga anti-criminality sa bayan.
Ito makaraang hiniling ni Supt. Leo Ajero,
hepe ng Kabacan PNP kay Regional Director PC/Supt. Charles Calima ang dagdag na
augmentation ng pulisya sa bayan dahil sa mga kriminalidad.
Kaugnay nito, nasilipan kasi ng opisyal na
dapat ay higit sa 80 personnel ang ilalagay na pulisya sa Kabacan dahil ang
bayan ay 1st class municipality, pero ang pwersa ng PNP Kabacan di
umabot sa 50 personnel.
Kaya sa kabila ng mas mahigpit na pagbabantay
ng mga ito, tuloy nalulusutan pa rin ng mga kriminal ang mga otoridad ng bayan.
Iginiit kasi ng opisyal na dapat ay 1 pulis
sa isang libung mamamayan, pero sa Kabacan 1 pulis katumbas sa higit sa
dalawang libung mga residente.
Kaugnay nito, paiigtingin din nila ang
kanilang pagbabantay sa nalalapit na kampanya ng mga local na kandidato para
tiyaking maayos, payapa at tahimik ang mga gagawing kampanya.
Samantala, inilatag na rin nila ang mga
security measures para sa pagdausan ng mga aktibidad ngayong kwaresma lalo na
sa dadaanan ng prusisyon.
Titiyakin din nila ang seguridad sa mga
simbahan at ilan pang mga matataong lugar ngayong holy week. (Rhoderick Beñez)
0 comments:
Mag-post ng isang Komento