(Amas, Kidapawan City/ March 26, 2013) ---Kasado
na ang mga programa para sa State of the Province Address o SOPA ni Cotabato
Gov. Emmylou “Lala” Talino Mendoza na gagawin sa Provincial Gymnasium, Amas,
Kidapawan city alas 9:30 ngayong umaga.
Ihahayag ng gobernador ang kanyang mga
nagawa sa loob ng tatlong taong panunungkulan sa probinsiya sa loob ng
siyamnapung minutong SOPA, bilang ulat nito sa bayan.
Bibigyang diin nito ang 5 Major Areas of
Governance na tinutukan nito at mga ipinangako nito sa loob ng 100 araw na
paninilbihan sa mga Cotabatenos.
Tutukuyin nito ang kanyang nagawa sa
Infrastructure development; Economic Development; Environmental and
agricultural Development; Socio-cultural Development at Development
Administration and finance.
Bago ang SOPA, may gagawin munang
thanksgiving mass alas 8:00 ngayong umaga sa Rooftop ng Provincial Capitol
Building.
Kaugnay nito, naka-alerto naman ang Cotabato
Provincial police Office para tiyakin ang seguridad sa nasabing kaganapan kung
saan may mga ipinakakalat ng mga elemento ng pulisya at militar sa Capitol
compound.
Mapapakinggan naman live dito sa DXVL Radyo
ng Bayan ang SOPA ng gobernador kungsaan, ihahatid sa mga tagapakinig nito ang
blow by blow na mensahe ng gobernador sa nasabing SOPA. (Rhoderick Beñez)
0 comments:
Mag-post ng isang Komento