(USM,
Kabacan, North Cotabato/ March 21, 2013) ---Umalma ngayon ang mga raliyesta sa
hindi pag-tanggap ng Commission on Higher Education o CHED ng buuing fact
finding committee ng Federation of Organization to Oust Derije o FOOD, dahilan
ng muling pagsasara ng mga lagusan ng Pamantasan ngayong hapon.
Ito
ayon kay Dr. Alimen Sencil, isa sa mga lider at tagapagsalita ng mga raliyesta,
sa kabila pa man umano ng pagbibigay financial assistance ni Cotabato Gov.
Emmylou “Lala” Taliño Mendoza para tututok sa mga kasong kinakaharap ngayon ni
Dr. Jesus Antonio Derije.
Kaninang
umaga, binuksan ng mga raliyesta ang kanang bahagi ng USM Main gate dahil na
rin sa suporta ng gobernador na bigyan ng ayuda ang fact finding committee.
Pero,
parang ayaw umanong tanggapan ng CHED ang nasabing hakbang, kaya muling isinara
ng mga raliyesta ang lagusan para maiparating sa taas ang kanilang panawagan
ngayong hapon.
Kung
anu ang dahilan kung bakit di tinanggap ito ng CHED, wala pang alam ang kampo
ng mga raliyesta, ayon kay Dr. Sencil.
Kaugnay
nito, pinatsudahan pa ni Dr. Sencil ang CHED na walang isang salita sa kanilang
naging hakbang.
Ang
Federation of Organization to Oust Derije o FOOD ay binubuo ng mga faculty
Association, non-teaching personnel ng USM, USM Hospital, Security forces,
Alumni, Muslim Educators and alumni Association, Task Force sovereignty for
Mindanao at Student leaders. (Rhoderick Beñez)
0 comments:
Mag-post ng isang Komento