(Kabacan, North Cotabato/ March 21, 2013)
---Patay ang isang lalaki habang sugatan ang kasama nito makaraang pagbabarilin
sa National Highway, partikular sa Sitio Malabuaya, Kayaga, Kabacan, Cotabato
alas 3:25 kahapon.
Kinilala ng Kabacan PNP ang biktima na si Jonathan
Pasquin nasa tamang edad, residente ng bayan ng M’lang.
Ayon sa inisyal na pagsisiyasat ng mga
otoridad, tinatahak ng mga biktima ang kahabaan ng National Highway sakay sa
isang tricycle lulan ang mga scrap iron buhat sa bayan ng Datu Montawal,
Maguindanao ng pagbabarilin ng mga riding in tandem.
Nagtamo ang dalawang biktima ng iba’t-ibang
tama ng bala sa iba’t-ibang bahagi ng kanilang katawan.
Kritikal sa nasabing shooting incident si
Pasquin na mabilis namang isinugod sa Kabacan Medical Specialist center.
Pero ayon sa pulisya, binawian din ito ng
buhay makaraan ang ilang sandali habang sa mga oras na ito ay nagpapagamot naman
ang isa pa nitong kasamahan.
Mabilis namang tumakas ang mga suspek.
Narekober sa crime scene ang 5 empty shell
ng .45 na pistol na ginamit sa pamamaril.
Ito na ang ikalawang shooting incident ang
naireport sa bayan ng Kabacan sa linggong ito.
Ang una, noong Martes ng gabi kungsaan
pinagbabaril ang dating kapitan na si Boy Solomon at ang may bahay nito na si
Virginia Solomon.
Maswerte namang nakaligtas ang dalawa
makaraang pinaulanan ng dalawang suspek
na mabilis namang tumakas sakay sa isang kulay pulang Honda Wave
papalayo papuntang USM Avenue.
Sa ngayon patuloy pa ang ginagawang
imbestigasyon ng mga otoridad at isa sa mga sinusundan nilang motibo ay
pulitika. (Rhoderick Beñez)
0 comments:
Mag-post ng isang Komento