(Pikit, North Cotabato/ December 18, 2012) ---Mag-iisang
taon na ngayon matapos na naiproseso ng isang benepisyaryo ng 4P’s program sa
bayan ng Pikit ang kanyang change granted na ATM card, pero hanggang ngayon ay
di pa nito natatanggap.
Dahil dito, agad na ipinarating ni Ginuong
Abdullah Usman, 40 taong gulang, residente ng Brgy. Kalacakan ng nabanggit na
bayan ang kanyang reklamo sa DXVL FM.
Aniya, nakapangalan umano sa kanyang Mrs. na
si Rakma ang kanilang card, pero dahil sa namasukan ito sa ibang lugar di niya
magagamit ang kanilang ATM card kaya, pinayuhan ito ng mga Municipal Link ng
4P’s na mag change granted.
Pero ang masakit ayon kay Usman ay
mag-iisang taon na ngayon ang kanyang card pero di pa nito natatanggap maliban
pa sa nag gasta siya ng abot sa P700.00 sa pag-proseso ng kanilang marriage
contract at Birth certificate.
Sinabi pa nito na ilang beses na rin umanong
nakatanggap ng cash ang ilan niyang mga kasamahan, pero sa kanya ni piso wala
pa siyang nakuha, ito dahil sa di pa dumating ang kanyang card.
Kung lalapit siya sa kanilang lider,
palaging lang siyang sinasabihan na wala pa umano dahil sa matagal pa ang
proseso.
Nang idulog ng DXVL FM sa MSWDO Pikit,
sinabi ni Municipal Social Welfare Officer Emilda Balios na agad nilang
aaksyunan ang nasabing rekamo sa pamamagitan ng pakikipag-ugnayan sa Municipal
Link kung bakit matagal ang proseso ng change granted ng Card ni Usman.
Kaugnay nito, aasahan umano ni Usman ang
agarang aksiyon ng kinauukulan sa nasabing reklamo nito.
Ang Pantawid Pamilyang Pilipino Program o
4P’s ay isang programa ng Pamahalaang Nasyunal sa pamamagitan ng Department of
Social Welfare and Development Office na ayon sa ilan ay may mga diumano’y
maanomalya sa programa. (Rhoderick Beñez)
0 comments:
Mag-post ng isang Komento