(Amas,
Kidapawan City/ November 26, 2012) ---Pormal ng umusad ngayong araw ang Enhanced
Justice on Wheels sa probinsiya ng North Cotabato makaraang pormal itong
inilunsad kaninang umaga sa Covered court ng Provincial Capitol, Amas,
Kidapawan City.
Ayon kay
Cotabato Governor Emmylou “Lala” Talino Mendoza ang nasabing hakbang ay
kauna-unahan sa probinsiya ng North Cotabato at Masaya ang gobernadora sa naging
hakbang ng Regional Trial Court dahil na rin sa malaking tulong ito para sa
congestion ng BJMP North Cotabato District Jail.
Naging
pangunahing tagapagsalita sa launching ng Justice on Wheels and the Increasing
Access to Justice by the Poor Program si Hon. Antonio Eugenio, Jr ang Deputy
Court Administrator kungsaan ipinaliwanag nito na ang nasabing enhanced Justice
on Wheels ay unang nabuo sa panahon ni dating Chief Justice Renato Puno.
Tinawag na
enhanced Justice on Wheels dahil bukod sa Court hearing may mga mobile-annexed
medication, information dissemination para sa mga brgy. Officials, Jail
Visitation-Medical Services and Legal Aide, pakikipagdayalogo sa mga opisyal ng
korte suprema at iba pa.
Samantala,
sa panayam ng DXVL News kay Jail Chief Insp. Mary Chanette Espartero, 79 na mga
detenado ang dininig ang kanilang kaso kaninang umaga sa loob ng dalawang bus
na denisenyong korte suprema sa loob.
Nabatid na
68 dito ay makakalaya na habang ang isa sa kanila ay binabaan na ng sentensiya
habang ang isa naman ay malilipat sa Malaybalay City Jail dahil may naka
pending itong kaso ganun din sa iba pa nilang mga kasamahan na may mga naka
binbin pang kaso. (Rhoderick Beñez)
0 comments:
Mag-post ng isang Komento