(Midsayap, North
Cotabato/ October 17, 2012) ---Nilinaw ng tanggapan ni North Cotabato 1st
District Cong. Jesus Sacdalan na nakahanda na ang pondong gagamitin ppara sa
concreting ng kalsada sa Barangay Kiwanan dito sa bayan.
Nabatid na isa ang
proyekto sa mga prayoridad na maipatupad sa susunod na taon.
Ipinaliwang ni
Congressional District Office Political Affairs Officer VI engr. Jerry Pieldad
na inaasahan ang implementasyon ng proyekto sa January 2013.
Binigyang-diin ng
opisyal na sumasailalim sa mga proseso ang pagpapatupad ng mga proyekto sa
distrito.
Samantala, inihayag
naman ni Kiwanan barangay Kagawad at infrastructure committee chairperson
Richer Devila na nagkaroon na ng inisyal na pagpupulong ang barangay council
kay Cong. Sacdalan kaugnay ng proyekto.
Ayon kay Kagawad Devila,
naglaan umano ng P2 Milyon ang opisina ni Cong Sacdalan para sa road concreting
project sa barangay.
Hinikayat naman ng mga
opisyal ng pamahalaang pambarangay ng Kiwanan ang mga mamamayan sa lugar na
huwag mainip sa paghihintay dahil malinaw namang may pondo na para proyekto.
(Roderick Bautista)
0 comments:
Mag-post ng isang Komento