(Kabacan, North Cotabato/August 1, 2012) ---Sugatan
ang isang tricycle driver habang yupi naman sasakyan nito makaraang mahulugan
ng sanga ng Mahogany sa harap ng College of Education at ng USM gym ngayong
umaga lamang.
Kinilala ni Security Services Management Director
Orlando Forro ang biktima na si Jeffrey Pedtamanan, nasa tamang edad, residente
ng brgy Magatos at Presidente ng Kabacan Tricycle Drivers Operators Association
o KOLTODA.
Sa ulo natamaan ang biktima dahilan kung
bakit mabilis itong isinugod sa USM hospital.
Minamaneho ni Pedtamanan ang kulay asul
nitong tricycle na may plate number 6492 MP at control number 1198.
Maswerte namang di napuruhan ang apat na mga
pasahero na sakay ng driver na di pa nakilala sa report.
Una na kasing iginigiit ng pamunuan ng
University of Southern Mindanao o USM ang pruning at pagputol sa mga sanga ng
kahoy upang maiwasan ang kahalintulad na insedente.
Kung matatandaan, isa ring kotse ng Prof ng
USM ang nasira makaraang mahulugan din ng sanga ng kahoy.
Maliban dito, nakakaperwisyo din sa linya ng
kuryente sa loob ng USM compound ang mga matatayog na sanga ng kahoy kung kaya’t isinagawa ngayon ang total clearing sa mga
nasasakupang linya ng kuryente at yung mga malapit sa gusali ng kolehiyo ng
Pamantasan, ayon kay director Forro. (Rhoderick Beñez)
0 comments:
Mag-post ng isang Komento