22-anyos na lalaki nabangungot? Patay!
Napaaga ang salubong kay kamatayan ng isang 22-anyos na lalaki makaraang mabangungot alas 2:20 kaninang madaling araw habang natutulog sa tinatrabahuan nitong kainan sa Kabacan, Cotabato.
Sa report ng Kabacan PNP kinilala ang biktima na si Jupith Valenzuela, walang asawa at cook ng chicken namit at residente ng Surallah, South Cotabato.
Ayon sa kanyang ka-trabaho na nagreport sa pulisya na si John Lyod Cataluna, 19, cook din ng nasabing establisimiento at residente ng Mlang, sinabi nitong habang natutulog si Valenzuela sa mesa nitong gabi, bigla na lamang itong nahulog at nawalan na ng malay.
Ayon sa report, binangunot na raw ang biktima dahilan kung bakit di na ito nakagising.
Pero bago pa man tuluyang namatay si Valenzuela ay naisugod pa ito sa Kabacan Medical Specialist kanina subalit tuluyan na itong binawian ng buhay.
Iniimbestigahan na ngayon ng mga otoridad ang nasabing pangyayari kung may foul play nga ba sa pagkamatay ng biktima.
Samantala, caught on the act sa pangnanakaw ang isang Jamil Umpar Saikal, 21 taong gulang, walang asawa at residente ng Northern Kabuntalan, Maguindanao.
Nahuli siya ng mismong security guard ng MC Square Department Store na nasa USM Avenue, Poblacion, Kabacan, Cotabato alas 5:30 kahapon ng hapon na tinatangay ang isang pantalon na nagkakahalaga ng P259.75.
Agad namang inaresto ang nasabing suspetsado ng mga pulisya.
0 comments:
Mag-post ng isang Komento