Isa na namang motorsiklo, tinangay ng mga kawatan sa Kabacan
Maging ang mga otoridad ay aminado sa iba’t-ibang modus ng mga magnanakaw ng motorsiklo na di umano mababantayan ng mga may ari ng sasakyan na pinapasok ang kanilang bahay na para bang hinihipnutismo ang binibiktima nila.
Bagama’t isolated naman ang kaso ng nakawan ng motorsiklo sa bayan ng Kabacan, ayon sa intelligence report karamihan umano sa mga grupo ng sindikatong ito ay buhat sa bayan ng Pikit.
Kahapon, biktima ng nasabing nakawan na naman ng motorsiklo si Felipe Alabag Quilas Jr., 42, may asawa at isang magsasaka at residente ng Osias, Kabacan, Cotabato makaraang matangay ng mga di pa nakilalang mga salarin ang kulay pula nitong Honda XRM na may plate number MQ-2470.
Ang nasabing sasakyan ay nakagarahe sa kanilang balcony na nasa loob ng kanilang bahay.
Batay sa imbestigasyon pinasok umano ng mga magnanakaw ang kanyang bahay sa pamamagitan ng pag-akyat sa bakod at pwersahang kinuha ang nasabing motorsiklo habang mahimbing namang natutulog ang mga ito.
Sinira umano ng mga suspek ang padlock na nakatali sa nasabing sasakyan.
Sinira din nila ang padlock ng gate ng bahay ni Quilas para gawing exit point.
Naganap umano ang insedente mula alas 2-4 ng madaling araw.
0 comments:
Mag-post ng isang Komento