Isa patay, isa sugatan sa shooting incident sa Matalam, North Cotabato
AGAD binawian ng buhay ang retired seargent na kinilalang si Edmund Tabor, residente ng Brgy. Kibia sa bayan ng Matalam habang matinding nasugatan ang bayaw nitong si Allan Jasmin makaraang pagbabarilin ng isang lalaki dakong alas-singko kamakalawa ng hapon.
Naganap ang pamamaril sa Sitio Pok-ong, Barangay Salvacion, Matalam habang ang mga biktima ay papauwi na sa kanilang bahay.
Ayon sa mga nakakita sa pangyayari, naglalakad lamang sina Tabor at Jasmin ng biglang lumitaw ang isang lalaking nakasuot ng kalo at walang sabi-sabing pinagbabaril ang dalawa gamit ang caliber 45.
Isinugod naman agad sa pagamutan ang mga biktima pero di na umabot pa ng buhay si Tabor dahil na rin sa tatlong tama ng bala sa katawan nito samantalang isang tama ng bala naman ang tinamo ni Jasmin at nagpapagaling ngayon.
Blangko pa ang Matalam PNP sa motibo ng pamamaril pero sa inisyal na imbestigasyon lumalabas na personal grudge ang dahilan ng krimen.
Patuloy pa ang imbestigasyon ng kapulisan sa naturang shooting incident.
0 comments:
Mag-post ng isang Komento