DXVL 94.9 KOOL FM

Systematic time Management at balanse sa pag-aaral at sa extra-curricular susi sa tagumpay ng USM Outstanding Student of the Year

Para kay Jovanee Sansalona, ang Outstanding Student of the Year ng USM ngayong taon, balanse sa pag-aaral at sa kaniyang extra-curricular ang isa sa susi ng kanyang tagumpay para makamit ang tugatog na kanyang minimithi sa pag-aaral.

Aminado din ito na ang pagkakaroon ng systematic time management ang malaking tulong para sa pagkakaroon niya ng organisadong pag-aaral.

Nabatid na si Sansalona ay itinahanghal din na Miss Agriculture, Mutya ng Aleosan, 6^th Placer ng Search for Mutya ng North Cotabato, naging kasapi din ito ng National Union Student’s of the Philippines, Student Leader summit, consistent scholar at Magna Cum Laude.

Matapos ang tagumpay na ito nais ng nasabing outstanding student na si Sansalona na pasalamatan ang kanyang magulang, bilang kanyang taga-suporta sa anumang kompetisyon niya, nag-paabot din ito ng pasasalamat sa Plant Pathology Department ng College of Agriculture.

Maliban sa kanya, gagawaran din ng parangal mula sa individual category ng Office of the Student Affairs sina: Jimmy Musa-Outstanding Student Leader; Jelford Sumaya-Outstanding LSG Governor; Neriza Nobleza-outstanding Academic Organization President, Lito Salvo-Outstanding Non-Academic Organization President at Analyn Gonzales-Outstanding Student Peer Facilitator.

Ngayong umaga, gagawin ang nasabing programa sa USM Gymnasium.

Ang Gawad Parangal ay taunang programa ng pamantasan bilang pagbibigay parangal sa mga indibidual na estudyante at mga group organization sa USM.