Ex-Board of Director ng COTELCO, pumanaw sa edad 64

(Kabacan, North Cotabato/ November 21, 2015) ---Pumanaw na sa edad na 64 ang dating Cotabato Electric Cooperative, Inc. o Cotelco Board of Director ng Kabacan District na si Merca Laogan Bao-ay bandang alas 8:30 kagabi.

Ito ang kinumpirma ng isa sa mga miyembro ng MSEAC sa Kabacan.

Tuluyang binawian ng buhay ang dating Borad of Director matapos ang iniindang karamdaman nito na ‘stage 3’ na sakit na cancer.

Read More

Planning Officer ng CFCST, nasa 'stable' na kalagayan na matapos tambangan sa Pres. Roxas, NCot

(Pres. Roxas, North Cotabato/ November 21, 2015) ---Sugatan ang Planning Officer ng Cotabato Foundation College of Science and Technology makaraang pagbabarilin sa Sitio Upper Ipuan, Poblacion, Pres. Roxas, North Cotabato alas 8:00 kaninang umaga.

Sa impormasyon na nakalap ng DXVL News kinilala ang biktima na si Dr. Cedric Mantawil, dating councilor ng Kabacan at head ng MDRRMC.

Batay sa ulat sakay ang biktima sa kanyang Honda city pauwi dito sa bayan ng Kabacan ng pagbabarilin ng di pa nakilalang suspek na sinasabing mga riding criminals.

Read More

2016 Annual Budget ng Probinsya ng Cotabato aprubado na

(North Cotabato/ November 19, 2015) ---Abot sa P2Bilyon ang naaprubahang Annual proposed budget para sa taong 2016 ng Sangguniang Panlalawigan ng Cotabato.

Base sa report ng Committee budget and Appropriations ni 1st District Board Member Shirlyn Macasarte ang nasabing pondo ay manggagaling sa Internal Revenue Allotment o IRA na 1Billion pesos; 218Million pesos mula sa income galing sa permits and licenses at business income; at tax revenue and real property tax na 42 Million pesos.

Read More

Mga Magsasaka Napagkalooban ng Libreng Seedlings ng Kape mula sa OPA

(North Cotabato/ November 20, 2015) ---Abot sa 2,000 piraso na dekalidad na Robusta Coffee seedlings ang naipamahagi ng libre ng Office of the Provincial Agriculturist ng Cotabato Province sa apat na magsasaka mula sa Aleosan kamakailan (11/13/15).

Ang kabuuang halaga nito ay P40,000.00. Mula naman ito sa pondo ng na ipinagkaloob ng DA-RFO 12 ayon sa ulat na isinumite ng Provincial Coffee Coordinator ng lalawigan na si Romulo Pacres.

Read More

Pamaskong Handog ni Gob Lala 2015 nagsimula na

AMAS, Kidapawan City (Nov 20, 2015) – Sa layuning mapasaya ang mga bata, lolo at lola ngayong kapaskuhan, maagang pamasko ang hatid ng Provincial Government of Cotabato sa 18 mga piling barangay  sa tatalong distrito ng lalawigan.

Ito ay sa pagsisimula ng “Pamaskong Handog ni Gob Lala 2015-Alay sa mga bata, lolo at lola” kung saan mismong si Gov. Emmylou “Lala” J. Taliño-Mendoza ang nagtutungo sa mga barangay kasama ang mga personnel ng iba’t-ibang departamento ng kapitolyo.

Unang tinungo ng gobernadora ang Barangay Nuangan, Kidapawan City noong Nov. 9; sumunod naman ang Barangay San Vicente, Makilala (Nov. 11); Barangay del Pilar, Magpet (Nov. 12); Barangay Datu Inda, Pres. Roxas; (Nov. 16); Barangay Liliongan, Carmen (Nov. 17); Barangay Katipunan, Arakan (Nov. 18) at Barangay Bagontapay, M’lang (Nov 19). .   

Read More

9 na Barangay sa Kabacan, Benepisyaryo ng Artificial Insemination ng PCC-USM

(Kabacan, North Cotabato/ November 20, 2015) ---Siyam na barangay sa bayan ng Kabacan ang naging benepisyaryo ng artificial insemination ng Philippine Carabao Center (PCC) na kung saan kasalukuyang isinasagawa sa taong ito.

Ito ayon kay PCC Director Benjamin Basilio sa panayam ng DXVL News kung saan 85 mga kalabaw ang isinailalim sa Artificial Insemination.

Kabilang sa mga barangay na ito ay ang mag sumusunod: Brgy. Upper Paatan, Katidtuan, Sanggadong, Dagupan, Bangilan, Bannawag, Kayaga, Pedtad at Aringay.

Read More

Presyo ng Bigas sa bayan ng Kabacan, bahagyang tumaas

(Kabacan, North Cotabato/ November 19, 2015) ---Bahagyang tumaas ang presyo ng bigas sa Pamilihang Bayan ng Kabacan, ngayong buwan.

Ito ayon sa isa sa mga may ari ng isang rice retailer at wholesaler nasi Oscar Aguilar ng Kabacan Public Market.

Ilan sa mga dahilan kung bakit bahagyang gumalaw ang presyong commercial rice ay dahil patapos na ang anihan.

Read More

Mga Blood Donors, hinikayat na mag-donate ng dugo sa gagawing ‘Bloodletting Activity’ ng Brgy. Poblacion re: 63rd founding Anniversary ng Barangay

(Kabacan, North Cotabato/ November 19, 2015) ---Hinikayat ni Brgy. Poblacion Kapitan Mike Remulta ang publiko na makilahok at mag donate ng dugo sa gagawing bloodletting activity sa darating na November 27, 2015.

Ito’y kaugnay sa pagdiriwang ng 63^rd foundation Anniversary ng brgy. Poblacion, Kabacan, Cotabato na magsisimula sa November 26 2015.

Kabilang sa mga aktibidad ay ang Interfaith, thanksgiving at brgy. Assembly sa unang araw.

   

Read More

Ilang mga Purok Presidents sa Poblacion, Kabacan binigyan ng mga handheld radio ng Alkalde re: security measures

(Kabacan, North Cotabato/ November 20, 2015) ---Abot sa 18 mga Purok Presidents sa Poblacion ng Kabacan ang binigyan ni Mayor Herlo Guzman Jr. ng mga hand held radio, kahapon kasabay ng ginawang pagpupulong sa mga ito.

Ayon sa alkalde malaking tulong ang nasabing komunikasyon para sa pagbabantay ng seguridad sa Poblacion ng Kabacan.

Pinulong kasi ni PSI Ronnie Cordero, hepe ng Kabacan PNP at ni Traffic Management Unit Head Ret. Col. Antonio Peralta ang ilang mag Purok opisyal hinggil sa muling pag-reactivate ng mga guarding system sa Poblacion.

Read More

Negosyante, inagawan ng motorsiklo at pinatay!

(Kabacan, North Cotabato/ November 20, 2015) ---Patay ang isang lalaki sa panibagong insidente ng pamamaril sa bahagi ng Barangay Kayaga, Kabacan, Cotabato alas 6:30 kagabi.

Kinilala ni PSI Ronnie Cordero, hepe ng Kabacan PNP ang biktima na si Danilo Cadot Angeles, nasa hustong gulang at residente ng Carmen, North Cotabato.

Batay sa ulat, sakay ang biktima sa kanyang kulay pulang Honda XR 200 na may license plate 2638 ng pagbabarilin ng di pa nakilalang suspek gamit ang di pa matukoy na uri ng armas.

Read More

USM, overall champion sa “Agri Tayo Soccsksargen TV program, First Anniversary ng DA XII

(USM, Kabacan, North Cotabato/ November 18, 2015) ---Humakot ng parangal ang University of Southern Mindanao sa kakatapos na Agri Tayo Soccsksargen TV program, First Anniversary, isang TV Shoe ng Department of Agriculture na ginanap sa KCC Mall of Marbel, Koronadal City nitong Lunes.

Kampeon sa Agricultural video making contest si Judy Anne Lubiano, isang 4-BSIR student.

Read More

Socio-cultural group at sports team ng USM, humakot ng parangal sa katatapos na Mindanao Association of State Tertiary Schools Inc. (MASTS)

(Kabacan, North Cotabato/ November 18, 2015) ---Nasungkit ng USM Socio-cultural group ang 1st place habang overall champion ang Western Mindanao State University (WMSU) sa ranking ng Socio-Cultural events na nilahokan ng 29 state universities dito sa Mindanao.

Nag-uwi ng gold medal ang contemporary dance at folk dance. Silver para sa quiz bowl at charcoal rendering. Bronze para sa story telling, instrumental solo at pagsusulat ng sanaysay.

Read More

70-anyos na Lolo, patay matapos mabangga ng Van

(Matalam, North Cotabato/ November 18, 2015) ---Patay ang isang lolo matapos masagasaan ng rumaragasang van sa kahabaan ng Davao- Cotabato Highway partikular sa crossing Cosuseco sa harap ng sea oil Gasoline station  Matalam North Cotabato kaninang alas 5:40 ng umaga.

Ayon kay Police Chief Inspector Sunny Rubas Leoncito, hepe ng Matalam PNP kinilala ang biktima na si Garcillano Dulay, 70-anyos, Residente ng  Brgy. Poblacion Matalam, North Coatabato.

Read More

Lalaking nakuryente sa pinagtatrabahuang Simbahan, kritikal pa rin ang kalagayan

(Kabacan, North Cotabato/ November 18, 2015) ---Kritikal pa rin ang kondisyon ngayon ng isang 33-anyos na lalaking makaraang makuryente sa tinatrabahuang simbahan sa Bonifacio Street, Poblacion, Kabacan, North Cotabato.

Kinilala ang biktima na si Charlie Gonzaga Agustin, trienta tres anyos at residente ng Tondo, Poblacion, Carmen, Cotabato.

Aksidente umanong nasagi ng biktima ang live wire habang nagtatrabaho sa inaayos na Christ the King Parish dahilan kung bakit ito nakuryente at bumagsak sa lupa.

Umabot sa 70 degree burn ang natamong sunog ng biktima batay sa panayam ng DXVL News sa isa sa kanyang kamag-anak.

Read More

Obrero ng Quary site sa Marbel, Matalam, North Cotabato; sugatan sa pagsabog ng granada

(Matalam, North Cotabato/ November 18, 2015) ---Sugatan ang isang obrero ng Quarry site makaraang sumabog ang granada sa isang bisinidad ng Brgy. Marbel, Matalam, North Cotabato kagabi.

Ayon kay Police Chief Inspector Sunny Rubas Leoncito, Hepe ng Matalam PNP kinilala ang biktima na si Jeffrey Mamasalido Sawal, trabahante ng quarry site. 

Batay sa ulat, nasira din ang parte ng isang unit ng Hitachi backhoe na pag mamay ari ni Dats Ambel na residente ng nasabing lugar.

Read More