 |
Photo:
SPO2 Froilan Gravidez, Matalam PNP
|
(Matalam, North Cotabato/ October 3, 2015)
---Nasa siyam katao na ang naiulat na namatay habang tatlo naman ang sugatan
makaraang maaksidente sa daan ang sinasakyan nilang pampasaherong Van sa Matalam-Kidapawan
highway partikular sa West Patadon, Matalam North Cotabato pasado alas 2:45 ng
madaling araw kanina.
Sa panayam ng DXVL News Radyo ng Bayan ngayong
umaga kay PCI Elias Diosma Colonia, hepe ng Matalam PNP kinilala nito ang mga
nasawi na on-the-spot na sina: Nor Asan, 28-anyos, residente ng Plang Village,
Poblacion, Kabacan; Lyle Rudolf Octaviano, isang Nurse, 28-anyos, Aleosan,
North Cotabto; Juliet dela Torre Debarusan, 46-anyos, Boulevard, Davao city; Michael
Akmad, 15, Simuay, Sultan Kudarat, Maguindanao at Oting Ayob, 46-anyos, residente ng Poblacion, Parang,
Maguindanao habang tatlong iba pa ang di nakilala.
Namatay naman habang ginagamot sa Cotabato
Provincial Hospital (CPH), Amas, Kidapawan City si Haydee Maaya Gobatan,
55-anyos residente ng Pigcawayan, North Cotabato.
Patuloy namang ginagamot ngayon sa CPH sina
Solidad Echevarria, 55-anyos, Dualing, Aleosan, North Cotabato at Eljane
Varona, 41-anyos, Sadaan bayan ng Midsayap.
Habang inilipat naman sa Regional Hospital
sa Cotabato city si Amel Debarusan, 23-anyos ng Boulevard, Davao City.
Ayon sa report, galing ng Davao City ang
Toyota Hi Ace Van na kulay puti at may license LHM 995 lulan ang may 17 mga
pasahero.
First trip buhat sa Davao city ang nasabing
sasakyan bandang alas 12 kanina at bumaba naman sa Kidapawan City ang tatlo sa
mga pasahero.
Napag-alaman na posible umanong nakatulog
ang drayber kaya nabangga ito sa isang puno pagdating sa West Patadon, ayon kay
Colonia.
Agad namang sumuko ang konduktor sa himpilan
ng Matalam PNP at kinilala ang drayber na si Glendo Singco ng Purok Bangkal,
Brgy. Ladtingan, Pikit, Cotabato na mabilis na tumakas pagkatapos ng insidente.
Wasak naman ng Van na ngayon ay nasa
National Highway.
Sinabi ng pulisya na nagtamo ng sugat ang
drayber kaya kanila ng nilibot ang mga bahay pagamutan sa Matalam, Kabacan at
Pikit baka nagpagamot ito.
Kakasuhan ang drayber ng reckless imprudence
resulting to homicide sakali mang maaresto ito.
Nanawagan naman ang Matalam PNP sa publiko
na kung may miyembro ng pamilya na hindi pa naka-uwi, makipag-ugnayan sa
funeral Parlor sa Matalam para sa posibleng pagkakakilanlan ng tatlo pang mga
biktima. Rhoderick Beñez
0 comments:
Mag-post ng isang Komento