(Kabacan, North Cotabato/ October 9, 2015)
---Patay ang isang 45-anyos na magsasaka makaraang pagbabarilin ng di pa
nakilalang suspek sa Sitio Aba Abpa, Brgy. Kayaga, Kabacan, Cotabato alas 7:00
ng umaga kanina.
Kinilala ni PSI Ronnie Cordero, pinuno ng
Kabacan PNP ang biktima na si Rolando Ando Orzal, residente ng Brgy. Ugalingan,
Carmen, North Cotabato.
Batay sa ulat, tinatahak ng biktima ang
National Highway buhat sa bayan ng Kabacan papuntang Carmen lulan ng kanyang
kulay itim na KYMCO motorsiklo na walang plaka ng pagdating sa nasabing
bisinidad ay pinagbabaril ng nakabuntot sa kanya na mga riding criminals.
Napag-alaman na ang mga suspek ay lulan ng
Kawasaki Bajaj motorcycle.
Nang makitang bulagta ang biktima ay agad na
tumakas ang mga suspek papuntang bayan ng Carmen.
Nagtamo ng dalawang tama ng bala sa likod
ang biktima na naging dahilan ng agaran nitong kamatayan.
Sa report na ipinarating sa DXVL news ni PI Maxim Peralta, ang head ng
operation ng Kabacan PNP na kagabi bago nangyari ang insidente ay may umaaligid
na Bajaj motorcycle sa paligid ng bahay ng biktima, ayon sa mga kamag-anak nito
na nakapansin.
Sa ngayon nakahimlay ang bangkay ng biktima sa Villa Jusa Funeral Homes habang
ikinasa na nila ang dragnet operation upang tugisin ang suspek na responsable
sa nasabing krimen.
Ito na ang ikalawang insidente ng pamamaril
na nangyari sa bayan, ang una si Wendell Canadilla na binaril din sa bahagi n
groundball ng Barangay Kayaga nitong Martes October 6 alas 9:00 ng umaga. Rhoderick Beñez
0 comments:
Mag-post ng isang Komento