Turn-over ng road concreting sa Kapayawi-Bao road at mass turn-over ng rural infra subprojects ng DA MRDP gagawin sa Libungan, Cotabato

LIBUNGAN, Cotabato (Mar 3) – Pormal ng isasalin sa kamay ng mga opisyal ng Barangay Kapayawi sa Libungan, Cotabato ang katatapos lamang na Kapayawi-Bao na proyekto n Dept. of Argiculture – Mindanao Rural Development Project o DA-MRDP.

Ito ay sa gagawing on site ceremonial turn-over ng proyekto sa March 6, 2014 ganap na alas-nuwebe ng umaga sa nabanggit na lugar.

Ayon kay DA 12 Regional Executive Director Amalia Jayag-Datukan, ang Kapayawi-Bao road concreting project ay may habang 13.2 kilometro. Kasama sa road concreting ang 20 linear meter single lane bridge at isang box culvert. Abot naman sa P 37,854,735.32 ang pondon inilaan sa proyekto.

Sinabi rin ni Datukan na sa kabuuan ay may P 4.519B na pondong inilaan ang MRDP sa buong Region 12 para sa pagpapaawa at pagpapaayos ng mga kalsada, tulay, irrigation, water supply sa buong Region 12.

Nakapaloob dito ang P755 na inilaan ng MRDP para sa Cotabato province kabilang na ang itu-turn-over na Kapayawi-Bao road, single lane bridge at box culvert sa Libungan.

Darating sa turn-over si DA Secretary Proceso J. Alcala bilang panauhing pandangal at siyang mangunguna sa ceremonial cutting of ribbon.

Makakasama ni Alcala sa okasyon ang mga opisyal ng Cotabato Provincial Govt. sa pangunguna ni Gov. Emmylou “Lala” J. Taliño-Mendoza, 1st District of Cotabato Representative Jesus N. Sacdalan, at ilang mga local chief executives.

Samantala, sa naturang aktibidad ay pormal ng ring ihahayag ng DA ang pagsasarado o phasing out ng MRDP at ang pagbubukas o phasing in ng Provincial Rural Development Project o PRDP.

Ibig sabihin nito ay sa mga kamay na ng provincial government mapupunta ang pagpapatupad ng mga development projects na laan para sa mga munisipyo.

Isasabay din sa okasyon ang turn-over ng 6 na mga infrastructure projects ng DA PRDP para sa bayan sa Cotabato na kinabibilangan ng Kabacan (rehabilitation of Pisan Communal Irrigation System), Aleosan (Rehabilitation of Upper Mingading-Lower Mingading farm to market road, rehab of Katalicanan-Upper Mingading-Tomado Road farm to market road), Misayap (rehab of upper Bulanan-Sitio Bay Abas farm to market road), President Roxas (rehab of Poblacion-Cabangbangan Natipukan farm to market road), Antipas (rehab of Malire-Tiwanan farm to market road). (JIMMY STA. CRUZ/PGO Cot Media Center)