(Kabacan, North Cotabato/ January 3, 2013)
---Sugatan ang isang 21-anyos na lalaki makaraang pagbabarilin sa National
Highway ng Barangay Kayaga, Kabacan, Cotabato alas 2:30 kahapon ng hapon.
Kinilala ni PCInsp. Jordine Maribojo, hepe
ng Kabacan PNP ang biktima na si Ali Makalnas, binata at residente ng Bulit,
Datu Montawal, Maguindanao.
Ayon sa report, galing umano ng Land
Transporation Office o LTO sa nasabing lugar ang biktima sakay ng motorsiklo ng
abangan ng mga di pa nakilalang suspek at pinagbabaril.
Hindi naman nasaktan ang kasama ng biktima
na angkas nito na si Angkal Abas, 23-anyos at residente din ng nasabing lugar.
Mabilis namang isinugod sa bahay pagamutan
ang biktima na ngayon ay nilalapatan ng medikal na atensiyon.
Narekober sa crime scene ang limang empty
shells at 1 live ammo ng kalibre .45 na pistol.
Sa ngayon, nagpapatuloy pa ang imbestigasyon
ng Kabacan PNP para alamin ang pagkakakilanlan ng mga suspek at ang posibleng
motibo sa pamamaril. Rhoderick Beñez
0 comments:
Mag-post ng isang Komento