(Aleosan, North Cotabato/
October 30, 2012) ---Para kay Aleosan Mayor Loreto Cayaba naging malalim na ang
iniwang karahasan ng mga nagdaang kaguluhan sa nasabing bayan.
Marami na umanong buhay ang
nalagas at mga bahay na nasunog at nawasak dahil sa nasabing giyera sa lugar.
Ito ang sinabi ng opisyal
matapos na binisita kahapon ang bayan ng Aleosan ng mga ambassadors for peace
sa kanilang kampanya na “I Am for Peace” na pinangunahan ng Office of the
Presidential Adviser on the Peace Process.
Ayon sa punong ehekutibo, ang
bayan ng Aleosan ang tinaguriang lugar ng mga ILAGA dahil 65% dito ay mga
Ilonggo, 25% ang mga Muslim at ang natitira ay mga Lumad.
Tinukoy pa nito na simula pa
noong dekada 70’ kungsaan bata pa ang alkalde ay may mga nagaganap na giyera
kungsaan mismo ang opisyal ay saksi sa nasabing kaguluhan at ang pinakahuli dito
ay noong 2008 kungsaan marami ang nagsilikas.
Kaugnay nito, isa ang bayan ng
Aleosan sa mga benepisyaryo ng Pamana
program ng pamahalaan para sa mga IDP’s.
Nais din nito na ipaliwanag muna
sa mga nasasakupan nito kung anu ang nilalaman ng Framework Agreement na
nilagdaan ng Pangulo sa pagitan ng MILF at GPH.
Tatlo namang mga barangay ang
natukoy nito na nagboto ng YES sa referendum noong 2001, ito ay ang: Lower
Minggading, Dungguan at Takudok kungsaan karamihan sa mga residente sa
nabanggit na lugar ay MILF.
Posibleng madagdagan pa ito
sakaling matutuloy ang plebisito sa nasabing framework agreement.
Pero kung anu ang gagawin sa mga
nagpasakop sa Bangsamoro na brgy, wala pang kaukulang detalye ang alkalde. (Rhoderick Beñez)
0 comments:
Mag-post ng isang Komento