(Pikit, North
Cotabato/September 19, 2012) ---Kasabay ng pagbisita ni Department of
Agriculture Assistant Secretary Dante Delima sa unang distrito ng North
Cotabato, walong water pumps na may kumpletong accessories ang ipinamahagi para
sa mga magsasaka ng bayan ng Pikit.
Benipisyaryo ng
nabanggit na farm machineries ay ang GiNaPaLaD- TaKa communities na kinabibilangan
ng Ginatilan, Nalapaan, Panicupan, Lagunde, Dalengaoen, Takepan, at Kalacakan
na mas kilala sa tawag G- 7 Space for Peace, ito ayon sa report ni PPALMA
News Correspondent Roderick Bautista.
Ginanap ang nasabing
aktibidad sa tanggapan ni North Cotabato 1st District Cong. Jesus
Sacdalan noong Biyernes, September 14.
Ayon kay G-7 Space
for Peace President Tanny Mandas, malaking tulong ang mga water pumps na ito
upang maipagpatuloy nila ng pagsasaka sa lugar.
Dagdag ng opisyal,
lubusan nilang mapakikinabangan ang mga patubig na binuksan gnoong Hunyo sa
pamamagitan ng pagagamit ng mga water pumps upang patubigan ang mga palayang
nasa matataas na lugar.
Maliban
sa mga water pumps ay pinagkalooban din ng mga vegetable seeds, pala, at
ssedlings ang mga benipisyaryo.
0 comments:
Mag-post ng isang Komento