(Kidapawan City/
September 18, 2012) ---Patay on-the-spot ang driver ng Yamaha motorcycle
pagkatapos bumangga sa kasalubong na Krypton motorcycle sa may national
highway, partikular sa Barangay Sudapin, Kidapawan City, bandang alas-6:30
kagabi.
Kinilala ang nasawi na si Tata
Ponce, dating trabahante sa isang restaurant sa lungsod.
Sugatan naman ang angkas
niya’ng babae na ‘di kinilala sa report.
Halos humiyaw naman sa
matinding sugat sa mukha, kamay, at paa ang driver ng Krypton na kinilalang si
Nonoy Pepito, 34, ng Barangay Birada, Kidapawan City.
Lasing daw si Pepito nang
magmaneho, ayon sa report. Lumabas sa imbestigasyon na lumagpas na sa kabilang
lane ang Krypton na ikinagulat ng kasalubong na Yamaha.
Ang lugar na pinangyarihan
ng aksidente, ayon sa PNP, ay kurbadang daan at madilim kaya’t itinuturing na
‘accident-prone’.
Ayon sa kwento ng isang
residente ng lugar, simula noong nakaraang linggo, tatlo’ng insidente na ng
salpukan ng mga sasakyan ang naitala sa naturang lugar.
0 comments:
Mag-post ng isang Komento