Budget ng isang LGU sa North Cotabato; di pa aprubado

(Magpet, North Cotabato/February 18, 2012) ---Hanggang sa ngayon ‘di pa naaprubahan ng Sangguniang Bayan ng Magpet ang inihaing budget ng executive department para sa taong 2012.



Ayon sa isang mapagkakatiwalaang source, matagal nang ipinasa ng Budget Office ng Magpet LGU ang 2012 budget sa SB pero hanggang sa ngayon di pa ito aprubado.

Noong Huwebes, pinulong umano ni Magpet Mayor Efren Pinol ang mga job order employees, contractual workers, at mga midwives at ipinaliwanag sa mga ito na ang sahod nila nakadepende sa budget.

Pinulong din kahapon ni Pinol ang mga kapitan ng barangay patungkol sa isyu.

Ang pondo ng barangay at mga opisina ng Magpet LGU ay nakadepende sa 2012 budget.

Ang delay sa approval ng budget nangangahulugan ng delay din sa releases ng pondo para sa mga proyekto ng executive department.