(Matalam, Cotabato/ September 24, 2014) ---Wala
ng buhay ng matagpuan ng isang empleyado ng SUMIFRU ang bangkay ng isang
15-anyos na dalagita sa isang farm lot sa Purok Tinago, Brgy. New Alimodian,
Matalam, Cotabato pasado alas 9:00 ng umaga nitong Lunes.
Sa report ni SPO1 Froilan Gravidez ng
Matalam PNP ang biktima ay nakilalang si Jovelyn Queme, 15-anyos, out of School
Youth, residente ng Purok 3, sitio Calura, Brgy. Minamaing ng nasabing bayan.
Batay sa ulat, noon pa umanong Setyembre
a-15 ng hapon ng mag-paalam ang biktima sa kanyang nakatatandang kapatid na si
Genelyn ng Begy. New Alimodian na umuwi sa kanila.
Pero hindi na ito nakauwi sa kanilang bahay
ng araw na iyon hanggang sa nakita na lamang ang bangkay nito sa isang damuhan
ng isang Stanley Cabarles na empleyado ng Sumifru.
Nabatid na ang biktima ay nagtamo ng saksak
sa kaliwang dibdib nito, ginilitan pa ito sa leeg at pinagtataga pa ng di pa
nakilalang suspek ang kanang leeg nito hanggang sa mapatay.
Sa ngayon nagpapatuloy pa ang imbestigasyon
ng pulisya sa nasabing insidente upang alamin kung anu ang motibo at kung
ginahasa ba ang biktima bago pinatay. Rhoderick
Beñez
0 comments:
Mag-post ng isang Komento