(Kabacan, North Cotabato/ January 5, 2015)
---“Business As usual” pa rin sa ngayon ang tanggapan ng treasurer’s Office ng
LGU Kabacan sa kabila ng nangyaring pagransak sa nasabing opisina.
Ito ayon kay Municipal Treasurer Prescilla
Quiñones sa panayam sa kanya ng DXVL News.
Sa katunayan, ayon sa opisyal ay marami pa
rin ang pumupunta para kumuha, magbayad at mag-renew ng business permit na pormal ng nagsimula ang
transaksiyon kahapon.
Sinabi ni Quiñones na batay sa ginawa nila
pag-aacount kahapon, umaabot na sa P800,000 mahigit ang nakulimbat ng mga
magnanakaw sa nasabing pagransak sa treasurer’s Office dahil sa may naiwan pa
silang babayarin na allowances ng Senior Citizen, PDW, Day care Worker at mga
ilang bonus ng empleyado kasama na ang collection ng Philhealth at iba pa.
Ayon sa opisyal, grabe ang pagkakasira ng
mga magnanakaw sa mga vault ng treasurer’s office at pinahiga pa ito ng mga
magnanaakw, na ayon sa imbestigasyon ng SOCO ay hindi kayang buhatin ng apat na
tao ang nasabing vault.
Kaugnay nito, nananawagan ang taga-ingat
yaman ng munisipyo sa mga tax payer at businessmen sa bayan ng Kabacan na
kanila namang binabantayan ang pera ng taong bayan pero dahil sa nasabing
insidente at mahabang holiday ay hindi naideposit sa bangko ang collection mula
hapon ng December 29 hanggang December 31 ng nakaraang taon. Rhoderick Beñez
0 comments:
Mag-post ng isang Komento