Written By: Roderick Rivera Bautista
Matapos aprubahan ang abot sa 100 milyong
pisong halaga ng Farm-to-Market Road o FMR development projects sa unang
distrito ng North Cotabato ay magsasagawa ng serye ng dayalogo kaugnay nito.
Pangungunahan ito ng tanggapan ni Cong. Jesus
Sacdalan kasama ang mga kinatawan ng Department of Public Works and Highways o
DPWH Cotabato Second Engineering District Office at mga lokal na pamahalaan sa
PPALMA.
Gaganapapin ang serye ng dayalogo mula
December a- 6 hanggang a- 17. Idadaos ito sa iba’t- ibang barangay na magiging
benepisyaryo ng proyekto.
Ngayong araw ay sinimulan sa Arizona barangay
hall ang unang bahagi ng pakikipag-usap sa mga kasapi ng barangay councils ng
Arizona, Midsayap at Barangay Cawilihan Aleosan upang talakayin ang nakatakdang
implementasyon ng FMR sa lugar.
Ayon kay First Congressional District Office
Focal Person for Infrastructure Engr. Jerry Pieldad, ang FMR projects na ito ay
iminungkahi ni Cong. Sacdalan at inaprubahan
ng Department of Agriculture o DA Region 12 sa pamumuno ni Regional
Director Amalia Jayag- Datukan.
Nabatid na may sampung FMR projects na
ipatutupad sa Distrito Uno para sa taong 2014.
0 comments:
Mag-post ng isang Komento