Pag-debelop ng Fruit and shoot borer-resistant na Talong sa Pilipinas, kinuwestiyon; Field trial ng BT Talong sa USM nasa ika-9 na harvest na

(USM, Kabacan, North Cotabato/June 9, 2012) ---Nilinaw ngayon ni Dr. Lourdes Taylo, Ph. D in Entomologist ng Institute of Plant Breeding mula sa University of the Philippines Los Baños Laguna na hindi nakakasama ang BT Talong o Bacillus thuringiensis sa kalusugan ng taong kakain nito.

BT Talong at USM Field Trial

Ito dahil iba ang bituka ng fruit and shoot borer na pangunahing pumipinsala sa talong na siyang target lamang ng BT, ayon kay Taylo.

Dr. Lourdes Taylo, Ph. D. Entomologist

Paliwanag pa nito na ang bituka ng nasabing insekto ay alkaline taliwas naman sa bituka ng tao na acidic kungsaan walang ring receptor ang tao ng BT.

Ginawa ni Dr. Taylo ang pahayag matapos na magpalabas ng writ of kalikasan ang supreme court laban sa commercial production ng kontrobersiyal na BT Talong na kilala rin bilang genetically modified eggplants.  

Dr. Concepcion Bravo, BT Co-project leader

Ito makaraang hilingin ng grupong Greenpeace sa korte na desisyunan ang naturang usapin na posibleng panganib sa kalusugan ng ginagawang field trials para sa BT Talong.

Pero ayon kay Taylo, wala umanong karapatan ang nasabing grupo na bumunot o sirain ang mga field trials dahil wala pa namang inilabas na desisyon ang korte suprema hinggil dito.

Sa kabila nito, giit kasi ng grupong greenpeace na dapat ay gawin ang trial sa laboratoryo at hindi sa open fields dahil nakakasama umano sa kalusugan.

DOLE 12 ikinatuwa ang suporta sa programang child-labor free barangays

(Koronadal City/June 9, 2012) --- Ikinatuwa ni Department of Labor and Employment (DOLE) 12 Director Chona Mantilla ang patuloy na suporta ng mga lokal na pamahalaan at iba pang partner sa adbokasiya ng ahensiya laban sa pagpapatrabaho ng mga menor de edad upang kumita.

Kamakailan nagpasa ng resolusyon ang Barangay Kematu sa T’boli ukol sa pagbabawal ng mga batang trabahante sa minahan sa kanilang barangay. Sinundan ito ng isang memorandum ni Gov. Arthur Y. Pingoy Jr. na nag-uutos sa mahigpit na pagpapatupad ng child-labor free environment.

Lalaki natagpuang patay sa boarding house sa Kidapawan City

(Kidapawan City/June 9, 2012) ---Naninigas na ang bangkay ng 23-taong gulang na fish vendor na si Eduard Agripalo na taga-Barangay Sibawan, Kidapawan City, nang matagpuan sa loob ng boarding house nito sa may Quirino Drive sa Poblacion ng lungsod, alas-630 ng umaga, kamakalawa.

DBM inilabas na ang Notice of Cash Allocation para sa health and scholarship programs sa Cotabato 1st District

(Midsayap, North Cotabato/June 9, 2012) ---Inilabas na ng Department of Budget and Management o DBM ang Notice of Cash Allocation para sa pagpapatupad ng health and scholarship programs sa unang distrito ng North Cotabato.

Bangkay ng lalaki na natagpuan sa Carmen, North Cotabato; kinilala na ng kanyang kamag-anak

(Carmen, North Cotabato/June 8, 2012) ---Kinilala na ng kanyang asawa ang bangkay ng lalaki na natagpuan sa brgy. Kimadsil, Carmen, North Cotabato noong hapon ng Martes.

Ayon kay Chief Inspector Jordine Maribojo, hepe ng Carmen PNP mismong ang Misis nito na si Maelene Grace Chee, 29 na taong gulang ang kumilala na ang mister nitong nawawala ang natagpuan sa nasabing lugar.

Kusinero ng Kabacan PNP; pinagbabaril patay!

(Kabacan, North Cotabato/June 8, 2012) ---Dead on Arrival sa Kabacan Medical Specialist ang kusinero ng Kabacan PNP makaraang pagbabarilin ng dalawang di pa nakilalang mga suspek sa Quirino St., Poblacion, Kabacan, Cotabato dakong alas 5:30 kaninang umaga.

Negosyante kritikal matapos pagbabarilin sa Kabacan

(Kabacan, North Cotabato/June 7, 2012) ---Kritikal ngayon ang isang 47-anyos na negosyante makaraang pagbabarilin ng mga di pa nakilalang salarin sa may harap ng tindahan na nasa Jacinto St., Public Market, Poblacion, Kabacan, Cotabato dakong alas  11:44 kaninang umaga.

Kinilala ni Supt. Raul Supiter, hepe ng Kabacan PNP ang biktima na si Evelyn Diaz, 47-taong gulang, businesswoman at residente ng Mantawil St., Poblacion, ng nabanggit na bayan.

Isang 28-anyos na lalaki, huli sa buybust operation ng mga otoridad

(Kabacan, North Cotabato/June 7, 2012) ---Kulungan ang bagsak ng isang 28 taong gulang na lalaki makaraang mahuli sa isinagawang buybust operation ng mga elemento ng Kabacan PNP sa isang boarding house na nasa Corner Matalam st. at Mercado St., Poblacion alas 4:30 kahapon ng hapon.

Kinilala ni Supt. Raul Supiter, hepe ng Kabacan PNP ang nahuli na si Frances Magno Santos Jr., residente ng nabanggit na lugar.

P300.00 ang marked money na ginamit sa buybust operation na ginamit ng pseudo buyer, kungsaan batid ng mga otoridad na positibong nagbebenta at gumagamit ng illegal na droga na pinaniniwalaang shabu ang suspetsado.

Mga sundalo ng 57th at 62nd IB nakiisa sa Brigada Eskwela sa mga bayan sa North Cotabato na itinuturing na ‘impluwensiyado’ ng NPA

(Makilala, North Cotabato/June 4, 2012) ---Para higit na mapalapit sa taong-bayan, lalo na sa mga lugar sa North Cotabato na itinuturing na ‘impluwensiyado’ ng mga rebeldeng New Peoples’ Army o NPA, nakiisa sa Brigada Eskwela ang mga sundalo na miyembro ng 57^th at 62^nd Infantry Battalion.

         

Nagtapos kamakalawa ang Brigada sa mga bayan ng Magpet, Makilala, President Roxas, Antipas, Arakan, at sa Kidapawan City.

Tatlong mga bata na nalunod sa Nuangan River sa Kidapawan City na-rescue

(Kidapawan City/June 4, 2012) ---Nailigtas ng mga first aid responders mula sa Kidapawan City ang tatlong mga bata na natangay ng malakas na agos ng tubig-baha sa Nuangan River, kamakalawa.

         

Kinilala ni Psalmer Bernalte, pinuno ng Kidapawan City Emergency Response Unit o KIDCERU, ang mga nailigtas nila na sina Jayson Campomanes, 11; Edian Galinato, 8; at Vincent Bechayda, 10, pawang mga residente ng Llanderal Subdivision, Barangay Magsaysay.

Approval ng medical assistance project MOA, hinihintay ng NCot 1st District office

(Midsayap, North Cotabato/June 4, 2012) ---Nais ngayong ipa-alam ng tanggapan ni North Cotabato 1^st District Cong. Jesus Sacdalan na hindi pa nito hawak ang opisyal na memorandum of agreement o MOA mula sa provincial government kaugnay sa pagpapatuloy ng medical assistance project sa distrito uno ng lalawigan.

Pagbubukas ng klase, babatiin ng matinding pagkilos

(Kabacan, North Cotabato/June 4, 2012) ---Babatiin ng matinding pagkilos ng mga militante at progresibong grupo  ang pagbubukas ng klase ngayong linggo upang kalampagin ang administrasyong Aquino at ang Commision on Higher Education o CHED na maging determinado at maagap sa pagtutok sa lumalalang kalagayan ng sistema ng edukasyon sa bansa.

Dalawa sugatan sa salpukan ng mga motorsiklo sa Tulunan, North Cotabato

(Tulunan, North Cotabato/June 4, 2012) ---Kapwa tumilapon sa kani-kanilang minamanenehong motorsiklo ang dalawang lalaki matapos magsalpukan sila sa gitna ng highway sa Barangay Poblacion sa bayan ng Tulunan, North Cotabato, alas-730 ng umaga, kamakalawa.

         

Sugatan sa salpukan sina Sgt. Roni Pancho ng 57^th Infantry Battalion ng Army, at Ronilo Selda, 44, na residente ng Barangay Sibsib, Tulunan.

2 katao huli sa aktong nag-pa-pot session sa isang bahay sa Kabacan; timbog ng mga otoridad

(Kabacan, North Cotabato/June 4, 2012) ---Tiklo ng mga elemento ng Kabacan PNP ang dalawa katao makaraang mahuling naghihithit ng illegal na droga sa isang bahay na nasa Zamora St., at Quirino St., Poblacion, Kabacan, Cotabato nitong Biyernes.

Bantay Eskwela; ilulunsad ng Kabacan PNP kasabay ng pagbubukas ng klase ngayong araw; Hotline ng USM Security Force, binuksan na rin

(Kabacan, North Cotabato/June 4, 2012) ---Kasabay ng pagbubukas ng klase ngayong araw, ilulunsad rin ng Kabacan PNP ang Bantay Eskwela para tiyaking maayos ang pagbabalik eskwela ng libu-libong mag-aaral dito sa bayan ng Kabacan.

May ilalagay na mesa ang mga otoridad sa harap ng Kabacan Pilot Elementary School para sa mga reklamo at sumbong ng mga mag-aaral sa pagsisimula ng klase ngayong araw.

Mahigit sa P9,000 naabu sa nangyaring sunog sa isang gulayan section sa Kabacan

(Kabacan, North Cotabato/June 4, 2012) ---Abot sa mahigit kumulang sa P9,000 ang danyos sa nangyaring sunog sa gulayan section na nasa Kabacan Public Market nitong gabi ng Sabado.