DBM inilabas na ang Notice of Cash Allocation para sa health and scholarship programs sa Cotabato 1st District

(Midsayap, North Cotabato/June 9, 2012) ---Inilabas na ng Department of Budget and Management o DBM ang Notice of Cash Allocation para sa pagpapatupad ng health and scholarship programs sa unang distrito ng North Cotabato.
Layunin ng ipinadalang NCA o Notice of Cash Allocation na ma- cover ang cash requirements ng medical assistance project na ipapatupad ng Cotabato Regional Medical Center sa Cotabato City, Southern Philippines Medical Center sa Davao City ,Amado Diaz Provincial Foundation Hospital sa Midsayap North Cotabato at ang pagpapatuloy ng Philhealth para sa indigent patients sa first district of Cotabato.

Kalakip pa nito ang NCA para sa technical- vocational scholarships na ipapatupad naman ng mga TESDA accredited schools sa Midsayap na kinabibilangan ng mga sumusunod: Notre Dame of Midsayap College, Southern Christian College, I-Link College of Science and Technology, Cotabato Medical Foundation College at St. Jude College of Science and Technology.

Ang mga pondong gagamitin para sa pagpapatupad ng mga nasabing programa ay mula sa Priority Development Assistance Fund o PDAF ni Cong. Jesus Sacdalan.

Sa aktwal na paggamit ng mga pondong ito, kinakailangan sumailalim parin sa existing budgeting, accounting and auditing rules and regulations ng gobyerno. (Roderick Bautista)